1Yohana

Lihamba lya mtumbulo lya

Yohana

Ulongulelu wa Yohana

Lihamba lya mtumbulo lya Yohana iyandikilwi na mndumindumi Yohana paghati gha machuva gha 85-90 badili gha kuweleka Yesu Kilisito. Yohana kangujilangiha ng'ogha yiwa ni myandika wa lihamba hali, ila kwa sula gha imonga angulaghiha yiwa mweni amuwonili Yesu paawelili angulikala kumlimawogha na kuhinduka kwaki kusula gha Yohana 1:1-3. Mtindu wa kuyandika wa kihitabu haki kya Yohana lya mtumbulo ungulandana nesu na mtindu hula wa Habali Maha gha Yohana. Ingukwinilwa yiwa Yohana ndiwa ayandikili Habali Maha gha Yohana na lihamba itatu gha Yonana na Lihamba lya ivili gha Yohana na Lihamba lya itatu gha Yohana lipindi Yohana awelili haku Efesu.

Yohana ayandikili lihamba hali kwa wakilisito wogha na kwa lipindi hali lipinga lya wandu wamkwinila kilisito liwelili na mahakilo kuhuma kwa lipinga lya wandu wangukemwa “waginositiki.” Wangukwinila yiwa Yesu awelili Sapanga chakaka lipindi awelili kumlima wogha na awelili ng'ogha mundu chakaka. Kwaikiva gha hagha Yohana kayandika yiwa kalola kwa mihu ngalilu gha Yesu na kwa mawoku ghaki kamkola Yesu kulihamba lya mtumbulo gha Yohana sula gha 1:1-3. Lukasini lwa Yohana kuyandika lihamba hali ili kughola kutimila kwa luheku lyaki kulihamba lya mtumbulo lya Yohana sula 1:4, kuwagholokela wakwinila kuhuma ku sambi kulihamba lya mtumbulo lya Yohana sula gha 2:1 na kuwagholokela wakwinila na wavula lwa uhwangi kulihamba lya mtumbulo gha Yohana sula gha 2:26 na kuwalongela uchakaka wakwinila yiwa wandu wamkwinila Kilisito walokolwa kulihamba lya mtumbulo lya Yohana sula gha 5:13.

Gha Mghati

Yohana angutumbula lihamba lyaki kwa kulongela lukani limonga lya kuyandika lihamba hali kusula gha 1:1-4

Kangi angulongela vila Sapanga ni mhana na yiwa ni lasima kulikala handa Yesu vila kalikala kusula gha 1:5-3:10

Kangi angutulongela tukumbwike laghilo lya kupalana wayako kusula gha 3:11-5:12

Mwihu anguyomola lihamba lyaki kusula gha 5:13-21