1Wakolintu

Lihamba lya mtumbulo lya Paulo kwa

Wakolintu

Ulongulelo

Lihamba lya mtumbulo lya mndumindumi Paulo kwa Wakolintu liyandikilwi kulichuva lya 55, badili gha kuwelekwa kwa Yesu Sula gha mtumbulo msitali wa mtumbulo. Hali ni lihamba lya mtumbulo paghati gha lihamba ivili Paulo awayandikilile lipinga lya wandu wamkwinila Kilisito lya haku Kolintu. Ayandikili lihamba hali pangi akiwela angulikala ku Efesu, pambila gha lihengu lyaki lya kutyangila haku Kolinto akiva mumwanja kuyenda haku akipitila Makidonia Sula gha ikumi na isita kutumbula musitali wa itano mbaka wa itisa.

Lihamba hali liwelili ni kuyanga milando Paulo apokelili kuhuma kwa wandu waghangi wamkwinilile Kilisito kulongelela mighalu wekaweka mihakata igholekili paghati gha wandu wenikumkwinila Kilisito haku Kolintu, mighalu hai mihakata ni pamonga na mlekanilo na ungongola. Wandu wa kukolintu wamanyikanili kwaikiva gha ndyangilu ghao gha kupala nesu ngongola, kwa nagha iwela ng'ogha mghalu wa kukangasa kulola yiwa hata lipinga lya wandu weni kumkwinila Kilisito na weni wagholile mighalu hai. Kulihamba hali kuvile na sula yeni kupalwa nesu yeni kulongelela habali gha Upalo.

Gha mghati.

Paulo anguwajambusa Wakolintu na kumsukwile Sapanga kwaikiva gha weni, msula gha mtumbulo kutumbula na msitali gha mtumbulo mbaka msitali wa itisa.

Paulo angulongelela habali gha kulekanilana kwa wandu wenikumkwinila Kilisito haku Kolintu. Msula gha mtumbula msitali kutumbula na msitali wa ikumi mbaka sula gha njechi msitali wa ihisilini na imonga.

Hilahila Paulo angulongelela habali gha ungongola na habali gha kuyeghana weni kunjengakaya. Msula gha mhano na sula gha isita.

Kangi Paulo anguwapegha malaghilo kulongelela kuposa, kuyegha matambiku kuming’omung’omu na kukonganika kwaikiva gha kuyupa na hupo kuhuma kwa Mpumulo gha Sapanga na kuhinduka. Msula gha isaba mbaka kusula gha ikumi na mhano.

Kumwihu Paulo anguyomola kwa kulaghila mighalu yenikupalwa kugholeka ila na mighalu gha kila mundu mweni handa mweni. Msula gha ikumi na isita.