Skip to content
BibleKenya
MBU Tite 10 Verse

Mbula-Bwazza

Tite 10

Amuna andǝ amǝkau a tàu mala Nuhu

Amǝnia ka à nda ka amuna andǝ amǝkau a tàu mala Shem, andǝ Ham, andǝ Jafet, yì amuna-burana mala Nuhu. Yia mǝnia tàrú ka à ɓǝlki amuna anzǝm málá mala mùr-gùla.

Tau mala Jafet

Amuna-burana mala Jafet1 ka à nda ka:

Goma2, Magog, Madai3, Javan4, Tubal, Meshek5 andǝ Tiras6.

Amuna andǝ amǝkà Goma ka à nda ka:

Amǝ Asǝkena, amǝ Rifat andǝ amǝ Togama.

Amuna andǝ amǝkà Javan ngga à nda ka ɓwapǝndǝa mala anzali:

Elisha, Tarshi,7 Kitim,8 andǝ Rodanim9.

(A tǝrta aɓwana mǝnia ka sǝ aɓwapǝndǝa mǝnana à duki arǝ aluran aɓa nggeamùr andǝ akún nggeamùr ka à puro. À nda ka amǝkà Jafet mǝnana à mesǝe arǝ anzali ɗàngɗáng, sǝ koyan ateà ka à súrǝì nǝ kún male, sǝ tàu male, andǝ nzali male mǝnana pàk kàm ngga.)

Tau mala Ham

Amuna-burana mala Ham ngga à nda ka:

Kush10, Mizǝrem11, Put12 andǝ Kan'ana.

Amuna mala Kush ka à nda ka

Seba,13 Havila,14 Sapta,15 Raama,16 andǝ Sapteka.17

Amuna mala Raama ka à nda ka

Sheba18 andǝ Dedan.19

Ɓè ɓwa atà amǝkà Kush ka nda Nimro. Yì Nimro ka nda ɓwa mǝnana tita duk ɓwa mǝcandǝe a ɓanza ka. Nǝ́ pâ gbasha mala Mǝtalabangŋo ka, yi duk nggeà kanggǝrang mǝ'nta. Acemani ka aɓwana kǝ na ama, <<Ɓǝ̀ Mǝtalabangŋo tsǝo wu duk kanggǝrang mǝ'nta kǝla Nimro!>> Anggea-là mǝnana à ɓoaro à kutiban kat aɓata nzali-murǝm mala Nimro a nzali Shinar20 ka à nda ka Babila, Erek, Akat andǝ Kalne. Nimro puro a nzali Shinar sǝ o a nzali Assuriya kya ɓakia anggea-là Nineva, Rehobot-Ir, Kalne21 andǝ Resen kàm. Resen ngga nggea-là na a nre Nineva andǝ nggea-là mǝgule Kalne.

Mizǝrem22 ngga nda tár a Lud,23 Anam, Lehap, Naftu, Patǝru, Kasǝlu, andǝ Kafto.24 Arǝ abân mǝnia ka sǝ amǝ Filisti puro à yiu.

Muna-ɓwabura mǝkyauwe mala Ham yì Kan'ana ka nda yi duk tár Sidon andǝ amǝ'Hitti ka. Kan'ana ɗǝm ngga nda kàka amǝ'Jebus, amǝ'Amor, amǝ'Girgash, amǝ'Hivi, amǝ'Arkit, amǝ'Sǝni, amǝ'Arǝvad, amǝ'Zema, andǝ amǝ'Hamat.

Nǝ nzǝ́mò ka aɓwapǝndǝa mǝnia à pùr a tàu mala Kan'ana ka, à yi mesǝke. Acemani ka nzong-nzali mala amǝ'Kan'ana tangŋa tite a ban nggea-là Sidon sǝ sulǝo yi puro aban là Gera, pǝlǝa twalo a là Gaza sǝ sárǝ́ aban ká arǝ alá Sodom, Gomora, Adǝma andǝ Zeboyim, sǝ kya masǝlǝa a Lasha.

Amǝno yì aɓwana kat ka, à pur a tàu mala Ham. Koyan ateà ka à súrǝì nǝ tàu male, sǝ kún male, sǝ bu-nzali male, andǝ nzali male mǝnana pàk kàm ngga.

Tau mala Shem

Shem mǝnana nda mǝgula Jafet ka à ɓǝli wi amuna-burana gbal. Shem ngga nda kàka Eba andǝ amuni andǝ amǝkè kat.

Amuna-burana mala Shem ngga à nda ka:

Elam, Asshur, Arfakza, Lud andǝ Aram.

Aɓwapǝndǝa mǝnana a tàu mala Aram ngga à nda ka:

Amǝ'Uz, amǝ'Hul, amǝ'Geta andǝ amǝ'Meshek.

Arfakza ka nda tár Shela, sǝ Shela ka nda tár Eba.

À ɓǝlî Eba amuna-burana ɓari.

Ɓè man mwashat ka à tunǝi ama Pele,25 acemǝnana a nza male sǝ aɓwapǝndǝa mesǝe arǝ abân aɓa ɓanza; mǝ'eambi nda Joktan.

Joktan ngga nda tár a

Almoda, Shelep, Hazamave, Jera, Hadoram, Uzal, Dikǝla, Obal, Abimayel, Sheba, Ofir, Havila, andǝ amǝ'Jobap. Yia mǝnia kat ka, à nda ka amǝkà Joktan.

Nzali-do mala aɓwana mǝnia kat ka, tite a Mesha sǝ sarǝa kya puro a Sefar, nzali múr ankono a njar-takuli.

Amǝno ka, à nda ka amuna andǝ amǝkà Shem. Koyan ateà ka à súrǝì nǝ tàu male, sǝ kún male, sǝ bu-nzali male, andǝ nzali male mǝnana pàk kàm ngga.

Aɓwapǝndǝa mǝno kat ka à nda ka amuna andǝ amǝkau mala amuna-burana mala Nuhu, koyan ngga nǝ nggurkwar mala tàu male, aɓalǝ anzali malea. Twalo abania sǝ aɓwapǝndǝa mesǝe arǝ aban aɓa ɓanza kat, anzǝm mùr-gùla.26

Source notes (26)
  1. Footnote Jafet ka nda tár amǝ Gǝrik.
  2. Footnote Goma ka nda tár amǝ Cimmeri.
  3. Footnote Madai ka nda tár amǝ Medes a nzali Assuriya.
  4. Footnote Javan ngga nda tár amǝ Hellen.
  5. Footnote Meshek ka nda tár amǝ Musku.
  6. Footnote Tiras ka nda tár amǝ nzali Tǝres.
  7. Footnote Tarshi ka nda nzali Sǝpen.
  8. Footnote Kitim ngga nda nzali Sayipǝrus.
  9. Footnote Rodanim ngga nda nzali luran Rodis.
  10. Footnote Amǝ Kush ka nda nzali Nubiya, Itiyopiya andǝ Sudan.
  11. Footnote Amǝkà Mizǝrem na à do a nzali Masar ka.
  12. Footnote Amǝkà Put kya do a nzali Libiya.
  13. Footnote Amǝ Seba ka à do a nzali Masar.
  14. Footnote Amǝ Havila ka à do a takuli mala nzali Arabiya.
  15. Footnote Amǝ Sapta ka à do a bu njar-nzali mala kún nggeamùr mala amǝ Pashia.
  16. Footnote Amǝ Raama ka à do nre njar kún múr andǝ njar-nzali a nzali Arabiya.
  17. Footnote Amǝ Sapteka ka à do a Samudeka a kún nggeamùr mala amǝ Pashia
  18. Footnote Amǝ Sheba ka à nda ka amǝ nzali njar kún múr mala nzali Arabiya.
  19. Footnote Dedan ngga à nda ka amǝ nzali njar-nza mala nzali Arabiya.
  20. Footnote Shinar ka nda nzali-murǝm mala Babiloniya a njar-kúnmur aɓa nzali-gula Mesopotamiya a pwarian ɓara-ɓara; Amǝ nzali Babiloniya limurǝm a lwa amur amǝ nzali Isǝrayila kǝla pǝlǝa gbǝman tongno-nong-mwashat, kaniama ɓǝ̀ Kǝrǝsti yiu (600 BC). À pwan amǝ Isǝrayila à umnǝia a do bǝri-nzali a nggea-là Babila (ban mǝnana Daniyel kya duk mǝpà kwarkiru aban murǝm kam, sǝ Ezǝkiyel kum sǝna aɓa bangŋo kam ngga).
  21. Footnote Ɓalli gbal aɓa: Mik 5:6 .
  22. Footnote Mizǝrem nda lullǝ nzali Masar nǝ kún Ibǝru.
  23. Footnote Lud ka nda yi duk nzali Lidiya ka.
  24. Footnote Kafto ka nda luran Kǝreti.
  25. Footnote Pele ka ɓālǝi nda <<mesǝe.>>
  26. Footnote Ɓalli gbal aɓa: Tite 9:19 .

Mbula-Bwazza. Copyright © 2022 The Seed Company. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.