Rut

Nnwẹr kw'Rut

Idik s'makkẹrẹ m'nnwẹr nwoma, iyinẹ k'ogbe kw'anọng p'Israẹl nkk'adima z'izek s'Kenaan, kw'ode izek s'Ibinọkpaabyi ọnwọhngọ ọnang bẹ. M'ogbese nwa, agbaak-ettem ch'Ibinọkpaabyi, p'ade Mosẹs ọttara Jọshua, nkk'apa; ogbe otima opyira, kw'Ibinọkpaabyi ọnang anọng p'Israẹl avaarnọng. M'ogbe nwoma, mayerẹ anọng p'abaabh Israẹl bẹ́, akpaar-aponga. Wa ode obhokọ kw'nkọhr ọttara irem. Akpaar-aponga mba bọ iwa made mach'avaarnọng p'Israẹl ny'ogbe nwo. Wa bẹ mad-attọhna idik anang anọng mach'avaarnọng, okurọ bẹ́, Israẹl avaarnọng otim oyena ny'ogbe nwo. Ibinọkpaabyi wọ iwa ọbaabh bẹ.