स्तोत्र 70

मुक्ततेसाठी प्रार्थना

स्तोत्र. 40:13-17

दाविदाचे स्तोत्र

1हे देवा, मला सोडव.

हे परमेश्वरा, लवकर ये आणि मला मदत कर.

2जे माझा जीव घेऊ पाहतात,

त्यांना लज्जित कर आणि गोंधळून टाक;

माझ्या यातनेत आनंद मानणारे

माघारी फिरोत आणि अपमानित होवोत;

3जे मला अहाहा! अहाहा! असे म्हणतात,

ते आपल्या लाजेने मागे फिरोत.

4जे तुझा शोध घेतात ते सर्व तुझ्याठायी हर्षित आणि आनंदित होवोत;

ज्यांना तुझे तारण प्रिय आहे, ते देवाची स्तुती असो असे नेहमी म्हणोत.

5पण मी गरीब आणि गरजवंत आहे;

हे देवा, माझ्याकडे त्वरीत ये;

तू माझा सहाय्यक आणि मला सोडवणारा तूच आहेस.

हे परमेश्वरा, उशीर करू नकोस.