ዓይኑሞ ማፃኣፖ 94

ፆኦሲ ቢያሢም ዎጋያ ማዔሢ

1ናንጊና ናንጋ ጎዳ ማዔ ኮሜ ኮፃ ፆኦዛሢዮ!

ኮሜ ኮፃ ፆኦዛሢዮ! ፖዒ ፔጋዺ ጴዼ።

2ሳዖይዳ ዎጋያ ማዔሦ ዔቄ!

ዖቶርቃ ዓሶም ዔያቶ ማዾጉዴያ ዒንጌ።

3ናንጊና ናንጋ ጎዳሢዮ!

ፑርቶ ማዻ ዓሳ ዓይዲ ሄላንዳኣናዳይ ፂካንዳሢ?

4ዔያታ ሄርሺንቲ ዑኡሲ ሚርጊሻኔ፤

ፑርቶ ዓሳ ሆኦሊንቲ ዺቢሻኔ።

5ናንጊና ናንጋ ጎዳሢዮ!

ዔያታ ዴሮ ኔኤኮ ላቢሳኔ፤

ዓሶ ኔኤሲያ ዋኣዪሳኔ።

6ዜኤሮይንዶንሢና ቤዛባኣ ዓሶዋ ዔያታ ዎዻኔ፤

ዜኤሮ ናኣቶኮዋ ሼምፓሢ ባይዛኔ።

7ዬያይዳዖ ዔያታ፦

«ናንጊና ናንጋ ጎዳ ኑና ዴንቁዋሴ፤

ያይቆኦቤ ፆኦዛሢ ዬያ ዔሩዋሴ» ጋዓኔ።

8ዒንሢ ዒዛ ዴሮ ባኣካ ዓኣ ማሉዋ ዓሳ

ሂንዳ ኮሺ ማሉዋቴ፤

ዒንሢ ዔኤዮ ዓሳ ዔራ ዒንሢ ማዓንዳሢ ዓይዲዳይ?

9ዋዮ ዾቄሢ ፔኤሮ ዋይዙዋያዳ?

ዓኣፖ ማዤሢያ ዛጉዋዓዳ?

10ዴሮ ጎሪ ዞሪ ፔ ጎይፆ ባንሢ ማሃሢ

ዔራቶ ዓሲም ዒንጋሢ ሜቶ ዓጋዓዳ?

11ናንጊና ናንጋ ጎዳ ዓሲኮ ማሊሢ

ዔኤቢ ፓሡዋያ ጉሪ ማዔሢ ዔራኔ። 1

12ናንጊና ናንጋ ጎዳሢዮ! ኔኤኒ ጎሪ ዞራ ዓሲ

ኔ ዎጎዋ ኔ ዔርዛ ዓሲ ዓንጂንቴያኬ።

13ጎሞ ዓሳ ሎኦማንዳ ዔቴ ቦኦኪንታንዳያ ሄላንዳኣና

ኔኤኒ ዒዛ ፑርታ ሜቶፓ ሃውሺሳንዳኔ።

14ናንጊና ናንጋ ጎዳ ዴሮ ፔኤሲ ኬኤሩዋሴ፤

ፔ ዓሶዋ ሃሹዋሴ።

15ዎጌ ጊንሣ ፒዜ ጎይሢና ዎጊንታንዳኔ፤

ዒኖ ፒዜ ዓሳ ቢያ ዬያ ጊንፆ ዓኣዻንዳኔ።

16ፑርቶ ዓሶ ታኣም ቃዛንዳያ ዖናዳይ?

ፑርቶ ማዻ ዓሶና ታ ዛሎ ሞኦቲንታንዳያ ዖናዳይ?

17ናንጊና ናንጋ ጎዳ ዎንዴ ታና ማኣዲባኣያታቴ

ቤዞና ታ ሄኤዶ ሃይቄ ዓሶ ሳዖ ኬዴያ ናንዳኔ።

18ታኣኒ «ታና ሃሊፄኔ» ጌዔ ዎዶና

ናንጊና ናንጋ ጎዳሢዮ!

ኔኤኮ ሚጪንቲፃ ላባዒ ታና ዓርቄኔ።

19ማሊፃ ታኣኮ ሚርጌ ጎይፆ

ኔኤኮ ዶዲሺፃ ሼምፓሢ ታኣኮ ዎዛሳኔ።

20ዎጌ ሱንሢና ጊኢጊሺንቴ ጌኔ ማዾና

ዎቢሲ ዎጊንቴ ዎጌና ፔቴ ኔ ማዓንዳ?

21ፂሎ ዓሶ ዑፃ ጌኔ ጌስቲ ዔያታ ኬስካኔ፤

ጌኤዦ ዓሳ ሃይቃንዳጉዲ ዔያታ ዎጋኔ።

22ታኣም ጋዓንቴ ናንጊና ናንጋ ጎዳ ዋርዲዬ ቤሲ፤

ታኣኮ ፆኦዛሢያ ፑኖ ካይዚ ማዔኔ።

23ዒዚ ዻቢንቶ ዔያቶሲ ዔያቶም ማሃንዳኔ፤

ዔያቶ ፑርቱሞሮ ዒ ባይዛንዳኔ፤

ናንጊና ናንጋ ጎዳ ማዔ ኑ ፆኦዛሢ ዔያቶ ጋጋፒሳንዳኔ።