ዓይኑሞ ማፃኣፖ 2

ፆኦሲ ዶኦሚ ካኣታሤ ካኣቲ

1ዴራ ዓይጎሮ ጉንዱማይ?

ዓሳኣ ጌኔ ማዻኒ ዓይጋ ዞርታይ?

2ዓጮ ካኣታ ዔቄኔ፤

ዔያቶ ዎይሣ ዓሳኣ ናንጊና ናንጋ ጎዳና

ዒዚ ዶኦሚ ካኣታሤ ካኣቲናም ጌኔ ማዻኒ

ሂዚ ጌይ ዞርቴኔ፦ 1

3«ኑና ዔያታ ቱኬ ዓንጎ ዱፆ ቶካፓ ኑ ቲቆም፤

ሱዞዋ ዱኡዚ ኑኡኒ ኬኤሮም» ጌዔኔ።

4ጫሪንጫ፥ ካኣቱሞ ቤዛ ዴዔሢ ዔያቶ ሚኢጫኔ፤

ዬያ ዔያቶኮ ፓሡዋ ማሊፆ ናንጊና ናንጋ ጎዳ ቶኦቻኔ።

5ሃካፓ ሴካ ዒዚ ፔ ዻጎና ዔያቶ ጎራንዳኔ፤

ታሞጉዴ ዻጎና ዔያቶ ዒዚ ዒጊቻንዳኔ።

6«ታኣኮ ዱማዼ ፂዮኔ ዹኮይዳ

ታኣኒ ዶኦሜ ካኣቲ ታ ካኣታሤኔ» ጋዓንዳኔ።

7«ናንጊና ናንጋ ጎዳ ጌዔ ባኮ ዒላቲ ታ ኬኤዛንዳኔ፤

ዒዚ ታኣም ሂዚ ጌዔኔ፦

‹ኔኤኒ ታኣኮ ናዓሢኬ፤

ታ ኔና ሃኖ ሾዔኔ፤ 2

8ታና ሺኢቄ፤ ዴራ ቢያ

ኔ ቢታንቶ ዴማ ዎርቃንዳጉዲ ታ ማሃንዳኔ፤

ዓጪ ማዔ ካራና ቢያ ኔ ዴኔ ማዓንዳኔ።

9ዓንጊ ኮኦሎና ኔ ዔያቶ ጳርቃንዳኔ፤

ዓጪና ማዢንቴ ሜሄጉዲ ኔ ዔያቶ ጋኣጫንዳኔ› » ጌዔኔ። 3

10ዒንሢ፥ ካኣታ ማሊ ጶቂሡዋቴ፤

ዒንሢ፥ ዓጮ ዎይሣ ዓሳ ዒንሢና ዔሩዋቴ።

11ናንጊና ናንጋ ጎዳም ዒጊቹሞና ማዹዋቴ፤

ጎጋይቂ ጎጋይቂያኣ ዒዛ ቢታንቶ ዴማ ዎርቁዋቴ።

12ዻጋ ዒዛኮ ዔኤታንዳሢኮ ቤርታ

ዒንሢያ ዒ ባይዙዋንቴ ቤርታ

ጎጋይቂ ጎጋይቂ ናዓሢም ዳዲ ባዑዋቴ፤

ዒዛ ፑኖ ካይዚ ማሃዞንሢ ቢያ ዓንጂንቴያኬ።