ጌኤዦ ማፃኣፖ
ዓይኑሞ ማፃኣፖ 149
ጋላታ ዓይኑሞ
ናንጊና ናንጋ ጎዳ ጋላቱዋቴ!
ናንጊና ናንጋ ጎዳሢም ዓኪ ዓይኑሞ ኬሲ ዓይናዹዋቴ!
ፆኦሲ ዓሳ ቡኬ ቤዞይዳ ዒዛ ቦንቾም ዓይናዹዋቴ!
ዒስራዔኤሌ ማዤ ፆኦሲና ዎዛዾንጎ!
ፂዮኔ ዴራኣ ካኣቲሮ ኮኦሚ ዎዛዾንጎ!
ዒዛ ቦንቾም ዓጊፂ ዓጊፂ ጋላቶንጎ፤
ካራቤ ባዒ፥ ጎኦላኣ ዋርቂ ዋርቂ ዒዛ ጋላቶንጎ።
ናንጊና ናንጋ ጎዳ ፔ ዴሮ ዛጋዖ ዎዛዻኔ፤
ባሺሢ ዒንጊ፥ ዒኖ ሼሌዔ ዓሶ ዒዚ ቦንቺሳኔ።
ፆኦሲ ዴራ ዬያ ቦንቺንቴ ቦንቾሮ ዎዛዾንጎ፤
ዋንቶ ላሄ ቤዛ ቢያ ዎዛዺ ዓይናዾንጎ።
ጬንቻ ዓራፖ ዔያቶኮ ኩጫ ዓኣኔ፤
ዬያሮ ዔያታ
ዒላሺ ዒላሺ፥ ዼግ ጌዔ ዑኡሲና ፆኦሲ ጋላቶንጎ።
ዔያታ ዬያይዴቴ
ሜሌ ካኣቶ ባሻኒ
ሜሌ ዴሮይዳ ዼኤፒ ሜቶ ዓጋኒ፥
ዬያ ዴሮኮ ካኣቶ ካኒ ቢራታና
ዼኤፖ ዼኤፖ ሱኡጎዋ ዱፄና ዓርቂ ቱካኒ፥
ናንጊና ናንጋ ጎዳ ዔያቶይዳ ዎጌ ዎጎ ማዺ ኩንሣኒ
ናንጊና ናንጋ ጎዳኮ ዴራ ባሺሢ ዎልቄ ዴንቃንዳኔ።
ናንጊና ናንጋ ጎዳ ጋላቲንቶም!
ጌኤዦ ማፃኣፖ. Copyright © 2008 The Word for the World International and The Bible Society of Ethiopia. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.