ጌኤዦ ማፃኣፖ
ዓይኑሞ ማፃኣፖ 137
ዲዒንቲ ዴንዲ ዓኣ ዒስራዔኤሌ ዓሶኮ ዬኤፖ
ኑኡኒ ባብሎኔ ዎሮ ዓጫ ዴዒ
ፂዮኔ ማሊ ጶቂሣዖ ዬኤኬኔ።
ዒኢካ ዓሃይያ ጌይንታ ሚፆ ዑፃ
ጎኦሎ ኑኡኮ ኑ ሱፂ ሃሼኔ።
ኑና ዲዒ ዔኪ ዴንዲ ሜታሳ ዓሳ
ዓይኑሞ ዓይናዺ ኑ ዔያቶ ዎዛሳንዳጉዲ
«ፂዮኔይዳ ዒንሢ ዓይናዻ ዓይኑሞፓ ፔቴ ሂንዳ ዓይናዹዋቴ» ጌዔኔ።
ናንጊና ናንጋ ጎዳ ቦንቺ ዓይናዾ ዓይኑሞ
ዓሲ ዓጪዳ ዴይ ዎይቲ ኑ ዓይናዻንዳይ?
ዬሩሳላሜ! ኔና ታ ዋሌያ ማዔቴ
ታኣኮ ጎኦሎ ዋርቃ ሚዛቆ ኩጫ ዞዲ ዓቶም።
ዬሩሳላሜ! ታ ኔና ጶቂሡዋዖ ዓቲ፥ ጊንሣ ሃሣ
ታና ጋፒንሢ ዎዛሳያ ማዓሢ ኔና ማሂ ታ ዔኪባኣቴ
ዒንዲርዛ ታኣኮ ሆንጎላሢና ዎላ ዓዺንቶም።
ናንጊና ናንጋ ጎዳሢዮ! ዬሩሳላሜ ዓዺንቴ ዓቦና
ዔዶኦሜ ዓሳ ማዼ ባኮ ማሊ ጶቂሤ፤
«ሹጮና ኬልቆና ዲፆ ፃጳፓ ቱጊ ዶይሱዋቴ!» ጌይ
ዔያታ ዒላቴ ዒላቶ ጶቂሤ።
ባብሎኔ! ኔኤኒ ሻሂንቲ ባይቃንዳኔ፤
ኔኤኒ ኑጊዳ ማዼ ጌኖ ማዾ ቢያሢ ዛሎ
ኮሞ ኮፃሢ ጋላቲንቴያኬ። 1
ኔኤኮ ናኣቶ ዔኪ ዔኪ
ላሎ ሹጮይዳ ጳዺሲ ዳኣፃሢ ጋላቲንቴያኬ።
Source notes (1)
- Cross-reference ዮሃ. ፆፔዻ 18፡6።
ጌኤዦ ማፃኣፖ. Copyright © 2008 The Word for the World International and The Bible Society of Ethiopia. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.