ጌኤዦ ማፃኣፖ
ዓይኑሞ ማፃኣፖ 122
ፂዮኔ ኬዞ ዓይኑሞ ዳውቴ ዓይናዼሢ
ዬሩሳላሜ ሄርሺ ዓይናዺንቴ ዓይኑሞ
«ናንጊና ናንጋ ጎዳሢ ማኣሪ ኑ ዓኣዾም!» ዔያታ ጋዓኣና
ሚርጌና ታና ዎዛሴኔ።
ዬሩሳላሜ!
ካሮና ኔኤኮ ኑኡኒ ጌሊ ጋራ ዔቄኔ።
ዬሩሳላሜ ካታማ
ዎላ ካንሢ ጋጋሦናጉዲ ዶዲሺ ማዢንቴ ካታማኬ።
ዒስራዔኤሌም ዒንጊንቴ ዳምቦ ጎይፆጉዲ
ናንጊና ናንጋ ጎዳሢም ጋላታ ሺኢሻኒ
ፆኦሲ ፃጳ ቢያ ቡካሢ
ሃኖ ካታሜሎይዳኬ።
ዳውቴ ፃጳፓ ካኣታዼ ካኣታ ቢያ
ፔኤኮ ዴሮም ዎጎ ዎጋኒ
ሃኖ ካታሜሎይዳ ዴዓኔ።
ዬሩሳላሜ ካታሞይዳ ኮሹሞ ዓኣያ ማዓንዳጉዲ
ሂዚ ጌይ ፆኦሲ ሺኢቁዋቴ፦
«ኔና ናሽካ ዓሳ ቢያ ጊኢጎንጎ፤
ኔኤኮ ኬኤሎ ዲፃ ቢያ ኮሺ ማዒ ዴዖንጎ፤
ኔኤኮ ካኣቶ ማኣራ ሜታ ባኣያ ኮሺ ናንጎንጎ።»
ታኣኮ ዒጊኖንታ ታ ላጎንታሮ
«ዬሩሳላሜ! ኮሹሞ ኔኤም ማዖንጎ!» ታኣኒ ጋዓንዳኔ።
ዬሩሳላሜ!
ናንጊና ናንጋ ጎዳ ማዔ ኑ ፆኦዛሢ ማኣሮ ዛሎሮ
ኔኤም ኮሺ ሙካንዳጉዲ ታ ኮዓኔ።
ጌኤዦ ማፃኣፖ. Copyright © 2008 The Word for the World International and The Bible Society of Ethiopia. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.