1 ሳሙዔኤሌ ማፃኣፖ

1 ሳሙዔኤሌ ማፃኣፖ

ዓይፆ ካሮ

ዒስራዔኤሌ ዓሳ ሱኡጋ ዎይሣ ዎዶይዳፓ ካኣታ ዎይሤ ዎዶ ባንሢ ዎይቲ ፒንቄቴያ ሃና ሳሙዔኤሌ ማፃኣፖኮ ፔታሳዛ ኬኤዛኔ፤ ዬይ ላኣሚንታ ዒስራዔኤሌይዳ ማዺንታኒ ዳንዳዔሢ ባሼ ሃይሦ ዓሲ ዛላናኬ፤ ዬንሢ ዓሶፓ ፔታሳሢ፦ ጋፒንፆይዳ ዒስራዔኤሌ ዓሶ ዎይሤ ዼኤፖ ዼኤፖ ሱኡጎይዳፓ ፔቴሢ ሳሙዔኤሌኬ፤ ላምዓሳሢ፦ ዒስራዔኤሌ ዓሶኮ ቤርታሳ ካኣታሢ ሳኣዖኦሌኬ፤ ሃይሣሳሢ፦ ቢታንቶይዳ ኬስካንዳሢኮ ቤርታ ዒዛኮ ናንጎ ሃይሳ ሳሙዔኤሌሲና ሳኣዖኦሌሲና ዎላ ፔቴ ማዔሢ፥ ዳውቴኬ።

ሃኖ ማፃኣፖኮ ዼኤፖ ማሊፃ፦ ሚናኣ ጫኣቁሞይዳ ዓኣ ሃይሶ ኬኤዛ፥ ሃንጎ ማፃኣፖሲጉዲ ፆኦሲም ጉሙርቂንታያ ማዒሢ ዓንጆ ጴዺሳሢንታ ናንጋ ናንጎይዳ ዔኤቢ ቢያ ጊኢጋያ ማዓሢ ዛላ፤ ዬያጉዲ ሃሣ ዓይሢንቲሢ ዒፂሢ ሎኦሚሢና ባይሲንታና ዔኪ ሙካሢያኣ ኬኤዛያኬ። ዬይ ማሊፃ ቄኤሳሢ፥ ዔኤሊም ናንጊና ናንጋ ጎዳ፦ «ታኣኒ ታና ቦንቻዞንሢ ቦንቻንዳኔ፤ ታና ቦሃዞንሢ ታ ቦርሲሳንዳኔ» ጌይ ኬኤዜሢዳ ፔጋዺ ዔርታኔ (2፡30)።

ሃና ማፃኣፓ ካኣታ ካኣታዻኣና ዔቄ ዱማ ዱማ ማሊሢ ዛላኣ ኬኤዛኔ፤ ዬያኮ ቤርታ ዒስራዔኤሌ ዓሶኮ ጎኔ ካኣቲ ማዒ ዔርታሢ ናንጊና ናንጋ ጎዳኬ፤ ጋዓንቴ ጊንፃፓ ዴራ ዖኦጬ ዖኦጪሢሮ ዒዚ ዔያቶም ካኣቲ ዶኦሜኔ። ዬይ ያዺ ማዔቴያ ባሼ ዔርታኒ ኮይሳ ባካ ካኣታሢታቴያ ዒስራዔኤሌ ዴራ ፆኦሲ ዔያቶኮ ዑፃ ማዒ ዎጊ ዎጊ ዎይሣያ ማዔም ዎርቃሢኬ (2፡7-10)። ዬይያ ፆኦሲ ዎጎ ዴሞይዳ ማዒ ዖርጎቺታቴያ ማንቆ ዓሲ ሄኮ ማዒ ቦንቺንቲ ናንጋንዳያ ኮይሳሢ ዔርዛኔ።

ማፃኣፔላ ዱማ ዱማ ዓርቄ ባኮ

ሳሙዔኤሌ ዒስራዔኤሌ ዓሶኮ ሱኡጌ ማዔሢ (1፡1—7፡17)

ሳኣዖኦሌኮ ካኣታዺፆ (8፡1—10፡27)

ሳኣዖኦሌ ዎይሤ ቤርታሳ ሌዖንሢ (11፡1—15፡35)

ዳውቴና ሳኣዖኦሌና ዛላ (16፡1—30፡31)

ሳኣዖኦሌና ናኣቶናኮ ሃይቦ (31፡1-13)