Sabo Talango’e 8

1Ho ni-soa naho ni-rahalahiko irehe,

i ninono am-patroan-drenekoy!

Ie amy zay, naho nitendrek’ ama’o alafe’e ao iraho vaho nañorok’ azo,

le tsy ho nifosae’ ondatio.

2Ho nikozozoteko mb’añ’ anjomban-

dreneko mb’eo,

mb’amy nañoke ahikoy.

ho nampinomeko divay mandrove,

naho ty ron-draketako.

3Iondana’ ty lohako ty fità’e havia,

vaho mañohoñ’ ahy ty fità’e havana.

4Afantoko ama’ areo,

ry anak’ ampela’ Ierosalaimeo;

ko mampitsekake fikokoañe

am-para’ te irie’e.

Figadoña’e: Saontsim-pifampikokoañe Rañe’eo

5Ia o mionjomb’etoy

mi­sazok’ amy fikokoa’eio?

Mpikoko

Nampivañoneko ambane’ i takokoy irehe; amy nampitsongoa’o i rene’o;

teo ty nitsongoa’ i nahatoly azoy.

Kokoa’e

6Apetaho hoe voli-fitomboke

añ’arofo’o ao iraho,

hoe alama am-pità’o eo;

fa mira ami’ty haozaran-kavilasy

ty fikokoañe,

manahake ty hagàñe i tsikeokeokey

ty famarahiañe;

misolebotse o lel’afo’eo,

toe lel’afo milebaleba.

7Rano tsifotofoto tsy mahasaoke ty fikokoañe; naho

tsy mahaopo aze ty fisorotombahañe;

ie hatolo’ t’indaty ze hene vara

añ’anjomba’e ao hahazoa’e

fikokoañe, le ho vata’e onjirañe.

Rañe’eo

8Manan-jay ampela zahay

f’ie mbe tomoe-nono,

hanoe’ay akore i zai’aiy amy andro

fifofoañe azey?

9Naho kijoly re le handranjia’ay

fitilik’abo volafoty;

ie lalambey, le harikatoha’ay

varamba-mendoraveñe.

Kokoa’e

10Kijoly iraho,

hoe fitilik’abo o nonokoo;

hoe t’ie minday fañanintsiñe

am-pihaino.

11Nanan-tondam-bahe

e Baale-Kamone ao t’i Selomò;

nafondro’e ama’ ondaty.

Songa mañondroke volafoty arivo

ama’e ty amo voka’eo.

12Aoloko eo i tanem-bahekoy,

azo ry Selomò i arivoy,

roan-jato ty a o mpañalahala

i voka’eio.

Mpikoko

13O ry mpimoneñe an-goloboñe ao,

te hijanjiñe ty fiarañanaña’o

o mpiamakoo,

ehe ampitsanoño ahy!

Kokoa’e

14Mipitsiha ry kokoakoo,

manahake o fanalokeo naho o farasy

ambone vohitse iregoregoan-kafirio.