Sabo 82

Sabo’ i Asafe

1Mijohañe am-pivo­rim-panalolahy

t’i Andrianañahare;

mizaka añivom-pizaka eo.

2Pak’ombia ty mbe izakà’ areo ami’ty tsy hiti’e,

hañonjonañe o tsivokatseo? Selà

3Meo tò o rarakeo naho o bode-raeo;

tohaño ty zo’ o poie’eo naho o misotrio.

4Hahao o mahàtrao naho o malorèo;

avotsoro am-pità’ o lo-tserekeo.

5Tsy mahilala iereo, naho tsy mahafohiñe, mirere­rere añ’ieñe ao avao;

fa naveve iaby o faha’ ty tane toio.

6Nanao ty hoe iraho: Mpizaka1 nahareo

songa anak’ i Andindimoneñey.

7Fe hikoromake hoe ondaty avao,

hikorovoke manahake ty raike

amo roandriañeo.

8Miongaha, ry Andrianañahare,

zakao ty tane toy,

fa kila ho lovae’o o fifeheañeo.