Sabo 61

Ho a i Talè, Sabo’ i Davide, arahe’ ty marotaly

1Janjiño ty koiko, ry Andrianañahare;

haoño o halalikoo.

2Boak’ añ’olon-tane añe ty ikoihako Azo, naho opo ty troko;

iaolò mb’an-­damilamy abo te amako.

3Amy te Ihe ro fipalirako,

haboañe fatratse aolon-drafelahiko eo.

4Hitoboke an-kivoho’o ao nainai’e iraho;

hipalirako añ’alo’ o ela’oo. Selà

5Fa jinanji’o o nifantàkoo

ry Andrianañahare;

tinolo’o ty lova’ o mpañeveñe

amy tahina’oio.

6Tompeo andro ty andro’ i mpanjakay,

ho tarirats’ an-tariratse o tao’eo.

7Hiambesatse añatrefan’ Añahare

eo nainai’e;

afantoho hañambeñe aze

ty fiferenaiñañe naho ty hatò.

8Le ho bangoeko an-tsabo nainai’e ty tahina’o,

ie henefeko boak’ andro o nifantàkoo.