Sabo 47

Ho a i Talè, Sabo’ o ana’ i Korao

1Mitehafa fitañe, ry hene ondatio;

poñafo aman’Añahare

ty fiarañanañam-pirebehañe.

2Mampañeveñe t’Iehovà

andindimoneñe ey,

ie mpanjaka jabahina’ ty tane toy.

3Ampiambane’e aman-tika ondatio,

ze kilakila ondaty

ambanem-pandian-tikañ’ ao.

4Ie i nijoboñe lova ho antikañey,

ty firengea’ Iakobe kokoa’ey. Selà

5Nionjoñe am-pipoñafam-pitreñañe

t’i Andrianañahare;

ami’ty fivolan’antsiva t’Iehovà.

6Takasio t’i Andrianañahare, isabo;

takasio i mpanjakan-tikañey, isabo.

7I Andrianañahare ro mpanjaka’

ty tane toy;

mitakasia an-tsabo soa arake.

8Fehen’ Andrianañahare o fifeheañeo;

miambesatse am-piambesa’e masiñe

eo t’i Andrianañahare.

9Mifanontoñe o roandria’ ondatio;

ondatin’ Andrianañahare’ i Avrahameo

fa an’Andrianañahare

o fikalan-defo’ ty tane toio;

ie onjoneñ’ an-tiotiotse ey.