Sabo 30

Sabo; Saboeñe ami’ty Fañorizañe i Anjombay; a i Davide

1Honjoneko irehe ry Iehovà,

ami’ty nañongaha’o ahy, vaho

tsy napo’o hitohàke amako o rafelahikoo.

2Ry Iehovà, Andrianañahareko, nitoreovako le jinanga’o;

3Ry Iehovà, naonjo’o boak’

an-tsikeokeok’ ao ty fiaiko;

nahatam-beloñe ahy irehe tsy

hizotsoako mb’an-koboñe ao.

4Sabò t’Iehovà, ry ondaty noro’eo,

andriaño i tahina’e masiñey.

5Amy te aniany avao ty haviñera’e,

pak’an-kaveloñe heneke ty fañosiha’e;

mete mahaporea’ ty maraindray

ty firovetañe,

fe ho tendreke maraiñe ty firebehañe.

6Le hoe iraho, te niraorao :

tsim-bia hasiotse.

7Ry Iehovà, ty fañisoha’o

ro nampijadoña’o i vohikoy;

ie naeta’o ty lahara’o

le nimarimarike.

8Ihe ry Iehovà ty nikoihako,

naho i Talè ty nihalaliako;

9Ino ty tombo’e amo liokoo,

t’ie higodoñe mb’an-koboñe ao?

Hibango Azo hao o debokeo?

Ho talilie’e hao ty figahiña’o?

10Janjiño ry Iehovà,

le tretrezo iraho, ry Iehovà, vaho imbao!

11Nafote’o ho tsinjake o fandalakoo;

hinalo’o amako o gonikoo, vaho sinaro’o hafaleañe,

12Soa te hisabo Azo ty engeko

le tsy hitsiñe;

Ry Iehovà, Andrianañahareko,

handriañeko nainai’e.