Sabo 20

Ho a i Talèn-tsakera. Sabo’ i Davide

1Hanoiñ’azo an-tsan-kasotriañe t’Iehovà,

hañonjoñ’ azo ankaboañe ey

ty tahinan’ Añahare’ Iakobe.

2Hañitrifa’e imba

boak’amy toe-miavakey

hanohañ’ azo hirik’e Tsiône ao.

3Ho tiahi’e o enga-mahakama iabio, vaho hiantofa’e o fisoroña’oo! Selà

4Hatolots’ azo ze salalan’ arofo’o

le ho henefeñe iaby o ereñere’oo.

5Ho poñafe’ay rebeke ty fandrombaha’o,

ty tahinan’Añahare’ay

ro añelahelà’ay kobaiñe;

ho henefa’ Iehovà abey o halali’oo.

6Apotako henaneo,

te ho rombahe’ Iehovà i noriza’ey;

ho toiñe’e boak’ an-dindi’e masiñe ao,

amy haozaram-pandrombaha’

i fitàn-kavana’eiy.

7Miato an-tsarete o ila’eo,

an-tsoavala ka ty ila’e;

fa ho tiahi’ay ty tahina’ Iehovà

Andrianañahare’ay.

8Nibokoke iereo naho nikorovoke

mitroatse zahay vaho mijohañe.

9Rombaho, ry Iehovà;

hanoiñe abey i mpanjakay te kanjie’ay!