Sabo 149

1Treño t’Ià.

Takasio sabo vao t’Iehovà,

ty enge’e ami’ty fivori’ o noro’eo.

2Hifalea’ Israele i Mpañoreñ’ azey;

hirebeha’ o ana’ i Tsiôneo

ty Mpanjaka’ iareo.

3Hibango i tahina’ey an-tsinjake,

ho saboe’ iereo am-pititihañe

marovany naho kantsàñe.

4Fa mahafale Iehovà ondati’eo;

hampihamine’e fandrombahañe

o mirèkeo.

5Hampipoña-pandrengeañe o noro’eo,

hisabo an-kaehak’ an-tihi’iareo eo.

6Ho am-palie’ iareo ty fañonjonañe

an’ Andrianañahare,

vaho am-pità’ iareo

ty fibara sambe-lela’e,

7hamale fate amo fifeheañeo,

naho handilo ondatio,

8handrohy o mpanjaka’ iareoo

an-tsilisily,

o roandria’iareoo an-dangoke viñe,

9hametsahañe am’ iereo i zaka pinatetsey;

ho fandrengeañe ze hene noro’e.

Treño t’Ià.