Sabo 14

1Ho a i Talèn-tsakera; Sabo’ i Davide

Hoe ty mineñe an-tro’e ao:

Tsy eo ze o Andrianañahare zao.

Lo-tsereke irezay, mitoloñe an-kativañe;

leo raike tsy manao soa.

2Misary o ana’ ondatio hirik’an-dikerañ’ ao t’Iehovà, hahaoniña’e ke eo ty mahilala mpitsoeke

an’ Andrianañahare.

3Sindre mandifike,

mitrao-kaleorañe;

tsy eo ty manao soa, leo raike.

4Songa tsy aman-kilala o mpitolon-karatiañeo, o mampibotseke ondatikoo

manahake ty filintseña’e mofo,

vaho tsy mitoka Iehovà.

5An-gebahebak’ ao iereo,

fe amy tariratse vañoñey

t’i Andrianañahare.

6Ho naoveove’ areo ty fikabijà’ o rarakeo,

fe fitsoloha’iareo t’Iehovà.

7Toe hiboake Tsiône ao

ty fandrombaha’ Israele !

ie ampitolihe’ Iehovà

ty fandrohizañe ondati’eo;

le hirebeke t’Iakobe,

vaho hifale t’Israele !