Sabo 129

1Sabo-Pionjonañe

Beteke nisilofen-draho

boak’ami’ty nahajalahy ahiko—

ano ty hoe r’Israele—

2Beteke niforeforèñe

sikal’amy te izaho niajalahy,

f’ie tsy nahagioke ahy.

3Nitrabahe’ o mpitrabakeo

ty sakamamovoko,

nanoe’ iareo lava o vavahalioo.

4Vantañe t’Iehovà;

navitso’e ty namahora’ o lo-tserekeo ahy.

5Hampolieñe an-kasalarañe

ze malaiñe i Tsiône.

6Ie hampanahafeñe ami’ty ahetse

an-tafo traño eo,

hiheatse aolo’ ty hibeiza’e,

7toe tsy hahaeneñe

ty fità’ i mpanatakey,

ndra ty araña’ i mpifehe’ o fehe’eo.

8Vaho tsy anoe’ o mpandrioñeo ty hoe:

Ho ama’ areo ty fañanintsi’ Iehovà!

Itatà’ay ami’ty tahina’ Iehovà!