Sabo 114

1Ie niakatse e Mitsraime t’Israele,

ty anjomba’ Iakobe boak’ am’ondaty

hafa fisaontsio

2le nanoe’e toetse miavake t’Iehodà

naho boriza’e t’Israele.

3Nañente i riakey, le nibioñe,

nimpoly t’Iordane;

4Nitrekotreko hoe añondrilahy

o vohitseo,

hoe anak-añondry o tambohoo.

5Akore, ry riakeo te mibioñe?

ry Iordane, te miesoñe?

6ry vohitseo, te mitsamboatsamboañe

hoe añondrilahy,

ry tamboho, hoe anak-añondry?

7Mihondrahondrà, ry tane toy,

añatrefa’ i Talè,

aolo’ i Andrianañahare’ Iakobey,

8ie nampañova ty vato ho sihanake, i lamilamiy ho rano mifororoake.