Matio 27

Nasese amy Pilato

Mar 15.1; Lke 22.66; 23.1; Jao 18.28

1Ie maraindray, le nikilie’ o Androanavy bey naho roandriañe iabio t’i Iesoà, t’ie tsy mahay tsy havetrake. 2Rinohi’ iareo naho nitantalieñe mb’ añ’anjomba’ i Pilato mpanandily mb’eo;

Naneñeñe t’i Jodasy

Asa 1.18, 19

3Ie nirendre’ i Jodasy nte-Keriotey, te nozoñeñe t’i Iesoà, le naneñeñe1, vaho nahere’e amy mpisorom-beiy naho amo roandria’ ondatio i bogady telo-polo rey. 4Hoe re: Nanao hakeo iraho, fa nitomaly aman-dio-màliñe, fe hoe ty natoi’ iereo: Inoñe ama’ay v’izay? tafetero! 5Aa le nahifi’e amy anjomba miavakey ao i bogady rey, naho nienga, nangalake taly vaho nameo-batañe.

6Rinambe’ o mpisorom-beio i bogady rey, le hoe ty asa’ iareo: Faly tsy mete apoke amy anjomba miavake2 ao iretoy, fa vilin-dio. 7Le nisafiry vaho natolo’ iereo ho ami’ty tete’ i mpanao valàñe-taney ho fandeveñañe ambahiny. 8Izay ty nanoañ’ i tetekey ty hoe kibohon-dio ampara’ henane; 9nañeneke ty saontsi’ i Zakaria mpitoky nanao ty hoe:

Le hoe iraho am’iereo:

Naho soa am-pivazohoa’areo,

ampitombò ty karamako,

fe naho tsy mete, ifoneño.

Aa le linanja’ iereo ho amy karamakoy

ty drala volafoty telo polo.

Le hoe t’Iehovà amako:

Ahifio mb’amy ­mpanao ­valàñe-taney izay;

mb’ am’ indaty ­mandramerame lietsey.

10ty amy nandilia’ Iehovà.3

Nitsoke aze

Mar 15.2-5; Lke 23.2-5; Jao 18.29-38

11Nijohañe añatrefa’ i Pilato eo t’i Iesoà, le hoe re tama’e: Ihe hao ty Mpanjaka’o Jiosio? Hoe t’i Iesoà: Saontsi’o izay. 12Aa ndra te nitomboke Iesoà an-tseseke o mpisorom-beio naho o roandriañeo, tsy nanoin-dre. 13Hoe t’i Pilato tama’e: Tsy oni’o hao ty hamaron-tsisý sesehe’ iereo ama’o? 14F’ie tsy nanoiñe aze ndra saontsy raike, vata’e nahadaba i ragovay.

Hinaha t’i Barabasy

Mar 15.6-14; Lke 23.17-23; Jao 18.39, 40

15Ie amy Sabadidake aman-kasiñe atao Fihelañ’ Amboney, fanoe’ i Mpandili’ i Rovaiy ty hañahàñe amy màroy ty raike amo mpirohio, ze tea’ iereo. 16Nanam-pirohy seretseretse t’i Pilato, i Barabasy ty añara’e, rinohy ty ami’ty vono-ondaty, vaho najo’e am-balabey ao. 17Ie nifanontoñe iereo, le nanoa’ i Pilato ty hoe: Ia ty tea’ areo ho hahàñe? i Barabasy, ke Iesoà atao Norizañey? 18tali’e, nifohi’ i Pilato te am-palaiñañe tsy aman-tali’e ty naneseha’ iareo aze, tovo’e, 19ie niambesatse am-piam­besam-pizakàñe eo, le nañitrike entañe ama’e ty vali’e nanao ty hoe: Mihalaly ama’o: Ko mivolan-dra inoñ’ inoñe hatreatre’o indaty vañoñey, amy te niore raha maro iraho ty ama’e ama’ nofy aniankale. 20Navori’ o mpisorom-beio naho o Androa­navio ondatio hijoboñe i Barabasy, vaho havetrake t’i Iesoà. 21Aa hoe ty ontane’ i Pilato: Ia amy roe rey ty tea’ areo ho hahàko ama’ areo? Hoe iereo: i Barabasy. 22Hoe t’i Pilato tam’ iereo: Aa naho izay, hataoko akore t’Iesoà atao Norizañe? Nirihoñe’ iereo iaby t’ie haradorado. 23Hoe t’i Pilato am’ iereo: Ino ty sata-raty nanoe’e? Le tinazataza’ iereo ty hoe: Arado­radò, Arado­radò, Arado­radò!

24Ie, nioni’ i Pilato te tsy amam-dily handiera’e, naho tsy ama’e ty hampanintsiñe iareo, aolo te hirehetse ty firehoreho ondatio, le nandrambe rano vaho nanasa fitàñe añatrefa’ i màroy, nanao ty hoe: votsotse ami’ty lio iraho, mitaoa amy ze hanòe’areo. 25Tinoi’ ondaty iabio ty hoe: Ho ama’ay naho amo ana’aio ty lio’e. 26Le hinaha’e t’i Barabasy;

Natao Sarerake

Mar 15.15-17; Lke 23.24, 25; Jao 19.16

vaho nasese’e am’ iereo t’i Iesoà ho fiaheñe naho silofeñe haradoradoa’ iareo. 27Le nendese’ o mpiningin-tsoavalam-pizakañeo an-drohy t’i Iesoà vaho natonto’ iareo aolo’ ty fañosoña’ ondaty maro eo. 28Nasaro ama’e ty lamba landy naho nikopohañe tsarimbo landy antsetra.

Nikozozoteñe mb’e Golgota

Mar 15.18-22; Lke 23.26-33; Jao 19.17

29Nirarèñe halam-patike, le nasabaka’ iareo añambone’e, le nasiam-bararata ty am-pità’e havana ao, vaho nitongaleke ama’e nikobìke ty hoe: Fañanintsiñe ama’o ry Mpanjaka’ o Jiosio! 30Nandrorà’ iereo ty lahara’e, naho nandrambe bararata le namiafiake ty añambone’e. 31Ie nilosoran-kizake, le nafaha’ iereo i saroñe mireparepay naho naombe ama’e o siki’eo vaho nandily t’ie haradorado.

Naradorado amy Hatae Ajaley

Mar 15.23-32; Lke 23.33-43; Jao 19.18-24

32Ie niakatse i rovay, le nitendreke ty ondaty atao Simona nte-Kanana vaho nampitarazoeñ’ aze i hatae ajale’ey. 33Aa ie nandoake an-toetse atao Golgota, toe Vohe-Kalvary4 34le finantso’ iereo divay nalaro afero, f’ie nitsopeke, naho naharendreke, le tsy nimete ninoñe. 35Pinè’ iereo an-katae re le zinara an-tsapake o saro’eo5,6 37le napetake ambone’ i añambone’ey ty nanesehañe aze, ami’ty hoe:

Intoy Iesoà nte-Nazareta,

Mpanjaka’ Israele.

38Le nampindrezam-pirado­rado ama’e : ty malaso roe7, ty raike ankavana’e vaho ty raike ankavia’e eo. 39Nanìtse aze ze niary eo naho nañekotsèko-doha 40nanao ty hoe: Inao! Ihe ho nandrotsake i anjom­ban’ Añaharey naho hamboatse aze ami’ty telo andro, mirombaha! Naho Anan’ Añahare irehe, mizotsoa amo hataeo. 41Nikizak’ aze ka o mpisorom-beio naho o roandria’ ondatio, ami’ty hoe: 42Ie nandrombake ty ila’e, fe tsy maharombake ty vata’e. Naho ie i Mpanjaka’ Israeley, apoho hizotso amo hataeo hatokisa’ay. 43Iatoa’e t’i Andria­nañahare, adono ho hahan’ Añahare henaneo naho tea’e8 amy nanoe’e ty hoe t’ie Anan’ Añahare. 44Nanitse aze hoe izay ka i malaso nitrao-peke ama’e rey.

Ty Havilasi’e

Mar 15.33-37; Lke 23.44-46; Jao 19.28-30

45Ie ami’ty ora fah’eneñe9 fonga nimaieñe i Taney pak’ ami’ ty ora faha-sive10. 46Le nipazake ty hoe t’i Iesoà: Eli, Eli, lama sabaktany, ze adika ty hoe: O Andrianañahareko, Andrianañahareko, ino ty namorintseña’o ahy?11 47Hoe ty raike nijohañe eo: Mitoka i Elia toke. 48Aa le nilay mb’eo amy zao ty nangalake mofo mangefokefoke, naho natsafe’e vinegra vaho natoho’e ama’e ho sitsihe’e. 49Hoe ka ty ila’e, Eo hey, hentean-tika ke ho avy handrombake aze t’i Elia. 50Nipazake indraike am-piarañanañañe mafe t’i Iesoà, vaho nengae’e aman-dRae ty arofo’e.

Reke-Biloñe i Havilasiy

Mar 15.38-41; Lke 23.45, 47-49

51Le inao! nitori-anjake ho roe boak’ ambone mañambane i lamba fièfen’ Anjomban’ Añaharey. Niozoñozoñe ty tane, naho nifoy o vatoo; 52Nisokake o kiborio; vaho nitroatse ty fañova maro’ o noro’e nirotse an-debokeo; 53ie niakatse an-kibory naho nimb’ amy rova miavakey vaho niboake ami’ty maro. 54Ie nioni’ ty mpifehe zato naho o nitrao-pijohañe ama’e nisary Iesoào i ozoñozon-taney naho o raha nanoeñeo, le nañeveñe naho nanao ty hoe: Toe Anan’ Añahare o eio.

55Nizorazora ey ty roakemba maro amo niatrake Iesoà hirik’ e Galilia pake henane zay. 56Am’ iereo t’i Miriame nte-Magdalà, i Marie rene’ Iakobe naho i Josesy, vaho ty rene’ i ana’ i Zebedia rey.

Nalenteke

Mar 15.42-47; Lke 23.50-55; Jao 19.38-42

57Ie ho niròñe i àndroy, pok’eo ty mpañarivo nte Arimatea, Iosefe ty tahina’e, mpioke am’ Iesoà, 58nimb’ amy Pilato mb’eo nihalaly ty fañòva’ Iesoà, le linili’ i Pilato te hatolotse aze. 59Nitakone’ Iosefe i fañòvay, le niholonkoñe’e an-damba-lande marerarera matify, naho 60nirohote’e an-dona’e vao ao, ie vaho hinali’e an-damilamy, le navarimariña’e mb’am-piziliha’ i lona­key ty vato jabajaba.12

62Amy loak’ àndro i Fihelañ’ Amboney13, le nimb’amy Pilato mb’eo o mpisorom-beio naho o Fariseoo. 63Le hoe iereo tama’e: O Roandriañeo, tiahi’ay te ie mbe niveloñe i mpandañitsey le nanoe’e ty hoe t’ie hivañon-ko veloñe naho afa­ke telo andro. 64Aa le andilio te ho gariteñe pak’ami’ty andro faha telo i kiboriy, kera ho pok’eo o mpiama’eo hañaoke aze, vaho hitalily am’ondatio t’ie nivañon-ko veloñe. Ie anoe’ iereo, le ho lombolombo’ i valoha’ey ty famañahiañe fara’e. 65Hoe t’i Pilato am’iereo: Ipaiao mpiga­ritse, le ambeno amy ze lefe’ areo. 66Aa le nifonire’ iereo ty fañarovañe i lonakey, namoli-tomboke aze vaho nampijadoñe mpañambeñe.