Ioèle 3

1Ie heneke zao, hadoako amy ze atao nofotse ty Troko;

le hitoky o ana-dahio

naho o anak’ampela’ areoo,

naho hañinofy o androanavi’ areoo,

vaho hahaoniñe aroñaroñe

o ajalahi’ areoo; 2Le hailiko amo mpitoroñeo,

naho amo anak’ ampatañeo

ty Troko amy andro rezay. 3Hampiboahako raha tsitantane

an-dindiñe ey, naho an-tane atoy,

lio naho afo, vaho hatoeñe mijoala. 4Hafotetse ho ieñe i àndroy,

naho ho lio i volañey,

aolo ty fitotsaha’ i andro’ Iehovà jabajaba

naho mampangebahebakey. 5Ie amy zay, ho rombaheñe ze mikanjy ty tahina’ Iehovà;

fa hipolititse an-kaboa’ i Tsione ao naho e Ierosalaime ao ty ila’e amy nafè’ Iehovày, vaho ho kanjie’ Iehovà o sehanga’eo.