Itorati

Ikitabu yo

Itorati

Malhove o uhoolhelha

Ikitabu yo Itorati phi machokholhelho o malhehero anophwanyiya nhina ikitabu chikina nthanu chilhe, yaani ikitabu nthanu nhina Malhehano o Khalhayi. Wo nuulhumo no Ieburaniya, nchina no ilha ikitabu ilha maana aya “Malhove”. Ashinna Musa phi norumelhelhiya wiira phi ayo aalhempe ikitabu yo Itorati, yaahikhalhe vanomalha aya, vanohimiachiya mwaha wo ukhwa waya. Ikitabu inochokholha wo uimiacha wiira, “alha phi malhove ashinna Musa oolhumanche aya wa attu o Israeli.” Urumelhelhiya wiira ashinna Musa phi lhepilhe ikitabu yo Itorati unoolhuyita moono venchi ni Malhehano o Naanano. Thoko chinoonia aya nhina ikitabu yo Mitheko cha Akarumiya nlhako wo 3:22-23, Napeturo vanohokolhelha aya ikitabu yo Itorati nlhako wo 18:15-18 ahimiaka wiira aari malhove a ashinna Musa. Ashinna Musa phi alhempe ikitabu yo Itorati, vamoka ni ivitabu cho Uchokholha, Uthama, Alawi, ni Ihesabu iyaakha 300 ama 1400 hinaaya uyaria Kuristo.

Ikitabu yo Itorati yaalhepiye thoko nkataba wa mwene mmoka ni imwene yaatawara awe, thoko vaapangiye aya khalhayi. Nkataba wa Nlhuku ni attu o Israeli. Nlhuku aahalheha attu wiira nowaavaha ibarakha arumelhelhaka malhehero awe. Ni attu o Israeli vaahilhe aya urumelhelha malhehero a Nlhuku, ahotwarushiya. Yoyo phi mwaha uri nhina ikitabu yonkhaye ilha, nansho hasa milhako cho 27 ni 28 chinohimiacha mwaha unaacha ibarakha ni ulhaviya waakhumelhenlhe wa attu o Israeli wo nlhatu wo urumelhelha ni uhirumelhelha waya. Makosho a attu o Israeli eemenlhe mipata miilhi umiakoni ibarakha ni ulhaviya uwo voolhumachiya aya wo ukhuwelhiya uhimiechesha malhehano ayo.

Chiri nhina:

Nhina milhako cho 1 mpaka wo 3 ashinna Musa anohimiaca mwaha waakhumelhenlhe ikatema attu o Israeli vaari aya munkwahani uthakoni.

Milhako cho 4 mpaka wo 26 unohimiya chittu chaathananiya ni malhehano a Nlhuku ni attu awe.

Tho, milhako cho 27 mpaka wo 30 attu o Israeli anohimiacha ibarakha ni ulhaviya wo ukhuwelhiya wooniha wiira malhehano aari o ukhulhuvelhiya.

Wo umalihera, nhina milhako cho 31 mpaka wo 34 ashinna Musa anoohimiacha malhove o umalhihera u Nayoshua, ni wo kila nikosho na attu o Israeli, ahinaaya ukhwa.