Zabbuli 131

Oluyimba nga balinnya amadaala. Lwa Dawudi.

1Ayi Mukama siri wa malala,

so n’amaaso gange tegeegulumiza.

Siruubirira bintu binsukiridde

newaakubadde ebintu eby’ekitalo ebinsinga.

2Naye ŋŋonzezza emmeeme yange era ngisiriikirizza

ng’omwana bw’asiriikirira nga nnyina amuggye ku mabeere.

Omwana avudde ku mabeere nga bw’asiriikirira, n’emmeeme yange bw’eri bw’etyo.

3Ayi Isirayiri, weesigenga Mukama

okuva leero n’okutuusa emirembe gyonna.