Zabbuli 123

Oluyimba nga balinnya amadaala.

1Nnyimusa amaaso gange gy’oli,

Ayi ggwe atuula ku ntebe ey’obwakabaka mu ggulu.

2Amaaso g’abaddu nga bwe gatunuulira omukono gwa mukama waabwe;

n’amaaso g’omuweereza omukazi nga bwe gatunuulira omukono gwa mugole we1,

n’amaaso gaffe bwe gatyo bwe gatunuulira Mukama Katonda waffe,

okutuusa lw’alitusaasira.

3Tusaasire, Ayi Mukama, tusaasire,

kubanga tunyoomeddwa nnyo ddala.

4Emitima gyaffe gijjudde ennaku olw’okuduulirwa abo abeeyagala,

n’okunyoomebwa ab’amalala.