Lodhi Bible
गिनती 7
वेदी को अभिषेक अऊर मुखियावों की भेंट
फिर जब मूसा न निवास ख खड़ो करयो अऊर पूरो सामान सहित ओको अभिषेक कर क् ओख पवित्र करयो अऊर पूरो सामान सहित वेदी को भी अभिषेक कर क् ओख पवित्र करयो, तब इस्राएल को मुखिया जो अपनो अपनो बापदादों को घराना को मुख्य आदमी भेट लाये, अऊर कुलों को भी मुखिया होय क गिनती लेन को काम पर नियुक्त होतो, हि परमेश्वर को आगु भेंट ले आये, अऊर उन्की भेंट छय छतवाली गाड़ियां अऊर बारा बईल होतो, मतलब दोय दोय मुखिया को तरफ सी एक एक गाड़ी, अऊर एक एक मुखिया को तरफ सी एक एक बईल; इन ख हि निवास को सामने परमेश्वर को जवर लायो। तब परमेश्वर न मूसा सी कह्यो, “उन चिजो ख तय उन्को सी ले ले कि मिलाप वालो तम्बू की सेवा म काम आये, येकोलायी तय उन्ख लेवियों को कुल की विशेष सेवा को अनुसार उन्ख बांट दे।” तब मूसा न हि गाड़ियां अऊर बईल ले क लेवियों ख दे दियो। गेर्शोनियों ख उन्की सेवा को अनुसार मूसा न दोय गाड़ियां अऊर चार बईल दियो; अऊर मरारियों ख उन्की सेवा को अनुसार ओन चार गाड़ियां अऊर आठ बईल दियो; हि सब हारून याजक को टुरा ईतामार को अधिकार म करयो गयो। पर कहातियों ख मूसा न कुछ नहीं दियो, कहालीकि उन्को लायी पवित्र चिजो ख उठाय क लिजान की सेवा दी होती।
फिर जब वेदी को अभिषेक भयो तब मुखिया ओको समर्पन की भेंट वेदी को जवर ले गयो। कहालीकि परमेश्वर न मूसा सी कह्यो होतो कि, “बारा दिन तक हर दिन एक मुखिया वेदी को समर्पन लायी अपनी अपनी भेंट चढ़ाये।”
येकोलायी जो आदमी पहिले दिन अपनी भेंट ले गयो ऊ यहूदा कुल को अम्मीनादाब को टुरा नहशोन होतो; ओकी भेंट या होती, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सन्यो हुयो मैदा सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक बछड़ा, एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। अम्मीनादाब को टुरा नहशोन की याच भेंट होती। दूसरो दिन इस्साकार को मुखिया सूआर को टुरा नतनेल भेंट लायो; वा याच होती, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो मैदा सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक बछड़ा, एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। सूआर को टुरा नतनेल की याच भेंट होती। तीसरो दिन जबूलूनियों को प्रधान हेलोन को टुरा एलीआब न या भेंट लायो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो मैदा सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक बछड़ा, एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। हेलोन को टुरा एलीआब की याच भेंट होती। चौथो दिन रूबेनियों को प्रधान शदेऊर को टुरा एलीसूर या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो मैदा सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक बछड़ा अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। शदेऊर को टुरा एलीसूर की याच भेंट होती। पाचवों दिन शिमोनियों को प्रधान सूरीशद्दै को टुरा शलूमीएल या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; तब धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। सूरीशद्दै को टुरा शलूमीएल की याच भेंट होती। छठवो दिन गादियों को मुखिया दूएल को टुरा एल्यासाप या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो हुयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। दूएल को टुरा एल्यासाप की याच भेंट होती। सातवों दिन एप्रैमियों को प्रधान अम्मीहूद को टुरा एलीशामा या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। अम्मीहूद को टुरा एलीशामा की याच भेंट होती। आठवों दिन मनश्शेइयों को प्रधान पदासूर को टुरा गम्लीएल या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नबलि लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। पदासूर को टुरा गम्लीएल की याच भेंट होती। नौवों दिन बिन्यामीनियों को प्रधान गिदोनी को टुरा अबीदान या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। गिदोनी को टुरा अबीदान की याच भेंट होती। दसवों दिन दानियों को प्रधान अम्मीशद्दे को टुरा अहीएजेर या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। अम्मीशद्दै को टुरा अहीएजेर की याच भेंट होती। ग्यारहवों दिन आशेरियों को प्रधान ओक्रान को टुरा पगीएल या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। ओक्रान को टुरा पगीएल की याच भेंट होती। बारहवों दिन नप्तालियों को प्रधान एनान को टुरा अहीरा या भेंट ख ले आयो, मतलब पवित्र स्थान को शेकेल को हिसाब सी एक सौ तीस शेकेल चांदी को एक परात, अऊर सत्तर शेकेल चांदी को एक कटोरा, हि दोयी अन्नभेट लायी तेल सी सान्यो हुयो अच्छो चुन सी भरयो होतो; फिर धूप सी भरयो हुयो दस शेकेल सोनो को एक धूपदान; होमबलि लायी एक गोरा, अऊर एक मेंढा, अऊर एक साल को एक मेंढी को बच्चा; पापबलि लायी एक बकरा; अऊर मेलबलि लायी दोय बईल, अऊर पाच मेंढा, अऊर पाच बकरा, अऊर एक एक साल को पाच मेंढी को बच्चा। एनान को टुरा अहीरा की याच भेंट होती।
वेदी को अभिषेक को समय इस्राएल को प्रधानों को तरफ सी ओको समर्पन की भेंट याच भयी, मतलब चांदी को बारा परात, चांदी को बारा कटोरा, अऊर सोनो को बारा धूपदान। एक एक चांदी को परात एक सौ तीस शेकेल को, अऊर एक एक चांदी को कटोरा सत्तर शेकेल को होतो; अऊर पवित्र स्थान को शेकेल को हिसाब सी हि सब चांदी को बर्तन दोय हजार चार सौ शेकेल1 को होतो। फिर धूप सी भरयो हुयो सोनो को बारा धूपदान जो पवित्र स्थान को शेकेल को हिसाब सी दस दस शेकेल को होतो, हि सब धूपदान एक सौ बीस शेकेल सोनो को होतो। फिर होमबलि लायी सब मिलाय क बारा गोरा, बारा मेंढा, अऊर एक एक साल को बारा मेंढी को बच्चा, अपनो अपनो अन्नभेट सहीत होतो; फिर पापबलि को सब बकरा बारा होतो; अऊर मेलबलि लायी सब मिलाय क चौबीस बईल, अऊर साठ मेंढा, अऊर साठ बकरा, अऊर एक एक साल को साठ मेंढी को बच्चा होतो। वेदी को अभिषेक होन को बाद ओको समर्पन की भेंट याच भयी।
अऊर जब मूसा परमेश्वर सी बाते करन ख मिलाप वालो तम्बू म गयो, तब ओन पश्चाताप को ढकन पर सी, जो वाचा को सन्दूक को ऊपर होतो, दोयी करूबों को बीच म सी ओकी आवाज सुनी जो ओकोसी बाते कर रह्यी होती; परमेश्वर न ओकोसी बाते करी।
Source notes (1)
- Footnote लगभग २८ किलोग्राम
Lodhi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.