निर्गमन 17

चट्टान सी पानी

(गिनती २०:१-१३)

11

फिर इस्राएलियों की पूरी मण्डली सीन नाम को सुनसान जागा सी निकली, अऊर जागा जागा म डेरा डालतो हुयो आगु बढ़ी अऊर परमेश्वर को आज्ञा सी सब रपीदीम की जागा म अपनो डेरा डाल्यो; उत उन लोगों लायी पीवन को पानी नहीं होतो। 22येकोलायी हि मूसा सी वाद विवाद करन लग्यो, “हम्ख पीवन लायी पानी देवो।” मूसा न उन्को सी कह्यो, “तुम लोग मोरो सी कहाली वाद विवाद करय हय? अऊर परमेश्वर की परीक्षा कहाली करय हय?” 3फिर उत लोगों ख पानी कि बहुत प्यास लगी, तब हि या कह्य क मूसा पर कुड़कुड़ान लग्यो, “तय हम्ख बाल-बच्चां अऊर जनावरों समेत प्यासो मार डालन लायी मिस्र देश सी कहाली लायो हय?” 4तब मूसा न परमेश्वर सी बिनती करी, अऊर कह्यो, “इन लोगों को संग का करूं? हि सब मोर पर गोटा सी मारन लायी तैयार हंय।” 5परमेश्वर न मूसा सी कह्यो, “इस्राएलियों को बुजूर्ग मुखिया म सी कुछ ख अपनो संग ले क लोगों को आगु आगु बढ़, तय अपनो हाथ म उच लाठी ख ले क जाजो जेकोसी तय न नील नदी पर मारयो होतो। 6मय तोरो आगु चल क होरेब पहाड़ी की एक चट्टान पर खड़ो रहूं; अऊर तय उच चट्टान पर लाठी मारजो, तब ओको म सी पानी निकलेंन, जेकोसी लोग पानी पी सकेंन।” तब मूसा न इस्राएल को मुखिया लोगों को आगु वसोच करयो। 7अऊर मूसा न ऊ जागा को नाम मस्सा3 अऊर मरीबा4 रख्यो, कहालीकि इस्राएलियों न उत मूसा सी वाद विवाद करयो होतो, अऊर परमेश्वर की परीक्षा करी कि “का परमेश्वर हमरो बिच हय यां नहीं?”

अमालेकियों पर युद्ध

85

तब अमालेकी जाति को लोग आय क रपीदीम जागा म इस्राएलियों सी लड़न लग्यो। 9तब मूसा न यहोशू सी कह्यो, “हमरो लायी कुछ आदमियों ख चुन ले कि बाहेर जाय क अमालेकियों सी लड़े; अऊर मय कल परमेश्वर की लाठी हाथ म पकड़ क पहाड़ी की सेंडी पर खड़ो रहूं।” 10मूसा की या आज्ञा को अनुसार यहोशू अमालेकियों सी लड़न गयो; अऊर मूसा, हारून, अऊर हूर पहाड़ी की सेंडी पर चढ़ गयो। 116जब तक मूसा अपनो हाथ उठायो रहत होतो तब तक त इस्राएल को लोग लड़ाई जीतत होतो; पर जब जब ऊ ओख नीचो करतो तब तब अमालेक जीतत होतो। 12पर जब मूसा को हाथ थक गयो, तब उन्न एक गोटा ले क मूसा को नीचे रख दियो, अऊर ऊ ओख पर बैठ गयो, अऊर हारून अऊर हूर उन्को हाथ सम्भालतो रह्यो; एक दायो बाजू अऊर दूसरो बायो बाजू अऊर ओको हाथ सूरज डुबन तक उठ्यो रह्यो। 13अऊर यहोशू न अपनो तलवार को दम सी अमालेकी जाति ख हराय दियो। 147

तब परमेश्वर न मूसा सी कह्यो, “लड़ाई म जीत की बात यादगार लायी किताब म लिख लेवो अऊर यहोशू ख बताय देवो कि मय आसमान को नीचो सी अमालेक को यादगार चिन्ह पूरो रीति सी मिटाय डालूं।” 15तब मूसा न एक वेदी बनाय क ओको नाम “यहोवा निस्सी8 रख्यो;” 16मूसा न कह्यो, “परमेश्वर न कसम खायी हय, कि परमेश्वर अमालेकियों सी पीढ़ियों तक लड़ाई करतो रहेंन।”