Skip to content
BibleKenya

MUNGA TRANSLATION PROJECT

Muanni 9

Yang ya nwatummi gi Fuh a nu ɓi ɓii gu. Ən ɓyǝa vin kwɔ wuo wayi wuu o pangsua kwɔ ɓǝ, langkwoi i du nung ɓko nwakǝm kong ɓua kwɔ tuni ɓǝ. Vin ɓǝ ɓko nwa kong ɓua kwɔ tuni ɓǝ, langkwoi duu dǝna i dang ǝu, mangǝ ǝn duu dang lua angǝ a; luafuh i waa baithǝl lǝ ba duu kwɔ dǝna i dang ɓua ɓǝlǝ ɓǝ. I thǝl i dang duu lǝ pin dang longwam, langkwoi i ji ttha manung a bǝ nyang. I gei angǝ bǝ i nkoni gug longwam ko kab ko nung bie akun thǝ; i to nung lǝ yayuu akwɔ yangǝu i nungɓii gol nung gi Fuh nwaɗǝgsii lǝu ɓǝ.

I gwab lǝ i thǝl ɓǝtthǝ i thǝb thayuu lǝu, kwoi i ji zuii fi nu ɓuo. Ziili gi zuii kwɔ dǝnni dǝkwɔ natha i bǝ tabǝi gi nyang.

Dang fi nu kwɔ i ɗuu bǝ ɓuiɓua, kwoi i tǝiu; i yiɗi bǝ ɓuiu, langkwoi ɓua a padum a yiǝ.

I thǝl ɓǝ mangǝttǝn ǝn prǝ kwɔ i mabǝi dǝnni tǝbǝ taɓui ɓǝ; i kuluam nung akun loilǝ mangǝn nung muo lo zinariya, langkwoi dang nungǝi mangǝn dang nung thayuu. Byangloi mangǝttǝn ǝn byanglo yasi, lǝi mangǝ ǝn lǝi zua. I lam nyingwui i nung akun mangǝ ǝn nung kha nyingwu ɓui, langkwoi vǝm nwakanni mangǝ yol prǝ kpaatthǝ- dǝna gub keke taɓui dǝna thǝm tthǝi bǝ tǝbǝ taɓui. I tthǝ i thǝng langkwoi dǝi tabǝi mangǝ nyang, langkwoi i thǝngǝi ɓǝlǝ i tǝilǝ ttha kwɔ i nkoni lǝ thayuu fi nu ɓǝ.

I tthǝ i yigwoi kwɔ dǝna lo yigwoi loi ɓǝ, u lǝ ya nwatummi kong ɓua kwɔ tuni ɓǝ. Ɗuǝnu i nwa yahudawa ǝn Abadan, i nwa Helǝnanci ǝn Afoliyon (nung ɓǝlǝ <<Nung ɓanglǝ nung>>)

Zuii a nwasiu paǝng; tthasua akwɔ akun tthǝ rab lasua dǝna wɔ.

Yang ya nwatummi gi Fuh a nanakun ɓi ɓii gu. Ən lǝ yol dǝna wɔ bǝi nai kwɔ ni nai lo tuu ɓui a yummi kwɔ dǝi ɗǝgsi Fuh ɓǝ. Yol ɓǝ gei lǝ ya nwatummi gi Fuh a nanakun tthǝ kwɔ ɓii nko kwɔ angǝ, <<A yina lǝ ya nwatummi gi Fuh kwɔ ni nai kwɔ i tthǝbǝi dang dual angǝ a Yufiretis ɓǝ!>>

Ya nwatummi gi Fuh kwɔ nai kwɔ i yiǝ na; dang lona ɓǝlǝ kwɔ i vii ɓǝllǝ kwɔ i fih ɓǝllǝ kwɔ i ttha ɓǝlǝ kwɔ i mabtha i ǝǝ yang bǝ i thǝb ya kabgwoi tai gi thayuu. I geim kpaali gi ya soja ya ɗab prǝ tthǝng: loi dugǝi thǝmsob ɓua thǝmkun. Dang muanim Ən ɓyǝa i prǝ i yakwɔ ɗab bǝi ɓǝ: i tthǝ i nung kanyingwu ɓui mangǝ ǝn lua la thǝni, mungyǝng zargina mangǝ ǝn rawaya, langkwoi mangǝ ǝn mung bung yibǝ. Lo prǝ ɓǝ mangǝ ǝn lo zua, langkwoi lua dǝna i nwai lǝ, duu, i lua a vǝrrǝm. Thayuu a tai kwɔ i thǝi i nung lǝi kiggǝ, lua, i duu, i lua a yǝlyǝl dǝna i nwa gi prǝ ɓǝlǝ.

Bakwɔ ttha prǝ ɓǝ tthǝng nwai i thǝngǝi. Thǝngǝi mangǝ ǝn biǝk i loi lǝ, langkwoi nung ɓǝ dǝnni dǝ zuii lǝ yayuu. Sua thayuu, yakwɔ ǝndǝi i thǝi i thǝbǝi kwɔ lǝu, i mǝrrǝm i yitthǝ bǝ wab nungkwɔ i mab i nai ɓǝlǝu. I yitthǝ bǝ wab nungmuo lǝu, i yitthǝ bǝ wab fuh kwɔ nwongǝi gi yangǝu ɓǝ kwɔ i mab i zinariya ɓǝlǝu, i azurfa, ko tagulla, ko tal, langkwoi i kab, kwɔ ɓyǝa bǝiu, lǝɓǝiu, ko thkothko Ko i mǝrrǝm i yitthǝ bǝ thǝbbǝi, ko bǝ tǝsua ya boka, ko bǝ lo i yasi yayuu, i bǝ inung gi.

MUNGA TRANSLATION PROJECT. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.