Skip to content
BibleKenya

MUNGA TRANSLATION PROJECT

1 Tassalonikawa 1

Ɓang Bulus, Sila, i Timitawos

Dǝɓi tumbǝi i nungvullǝ kwɔ sua ya dǝba a langǝ i sua ya kǝm pinwa gwoi angǝ a Tasalonika, yakwɔ ǝn a bǝ Fuh Daa langkwoi Dangbang Yeso Kristi:

Kaso nung a langǝ i gi Fuh ǝǝ i ɓǝlǝ.

Nwongǝi Ibǝ Dǝnyitthǝ Ya Tasalonika

Vii ǝndǝi dǝɓi dǝ angǝ a lǝ Fuh lǝ ba ɓǝ langkwoi lona ǝndǝi u pinwa lǝ ba ɓǝ. Bakwɔ dǝɓi nhǝm Fuh Daa ɓi nungsi langkwoi kwɔ dǝɓa to nung to i bǝ dǝnyitthǝ ɓǝ, kwɔ bǝ yiɗi bǝiɓǝ to ɓǝ dǝɓa to nung to niɓǝ, langkwoi kwɔ dǝɓa dǝnyitthǝ Dangbang Yeso Kristi nyimtthǝ. Ya young ɓi, ɓi ibǝing Fuh dǝna yiɗi ɓǝ nungkwɔ u mko ɓǝ lǝ abo. Bakwɔ ɓi wuo ɓǝlǝ nwaba a langǝ itthǝ ɓǝ, ǝn ba a nwa ɓuolǝu, kwoi i ttha i Ɓyang a Langǝ i, langkwoi ɓa muo ba a langǝ i nungkun. Ɓa ibǝi bǝ ǝǝ ɓi kwɔ ɓi iɓǝlǝ ɓǝ; lǝ ǝn baɓǝ. Ɓa nalǝ nwaɓi i Dangbang; ko kwɔ ɓa tozuii niɓǝ, ɓa muo nwaba a langǝ iɓǝ i tthǝla kwɔ dǝna wɔ bǝgǝ Ɓyang a Langǝ i ɓǝ. Yang ɓa mǝrrǝm lǝ nungkwɔ ya dǝ ba a langǝ i a na nungtthǝ ɓǝ Makidoniya i Akaya ɓǝ. Ɓa ilǝ nwaba a langǝ i lǝ ba Dangbang dang Makidoniya i Akaya, kwoi nwaba lǝ babǝ dǝnyitthǝ ɓǝ tthǝ Fuh tǝ bǝikwɔ ǝndǝi. Manungkwɔni yang, lakwɔ nung yangǝu kwɔ. Ɓi gei ɓǝu. Yayuu kwɔ ǝndǝi gei kwɔ ɓa muo ɓi kwɔ ɓi tǝ sua ɓǝ ɓǝ, langkwoi kwɔ ɓa mǝrrǝm ɓa yitthǝ bǝ wab nung a wab wab ɓa tǝ sua Fuh ɓǝ, yangbǝ ɓa wab Fuh a langǝ i ya nwongǝi langkwoi yangbǝ ɓa ki Yuiu kwoi wayi wuo- Yuiu Yeso, kwɔ u ǝrrǝu lǝ bǝ ɓuiɓua kwɔ u nwong ɓi tthǝ nyi gi Fuh kwɔ dǝna wɔ ɓǝ.

MUNGA TRANSLATION PROJECT. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.