Skip to content
BibleKenya

Lamma Bible Translation Project

Tasine 7

Shɔ Israila 144,000

A knti vim n zɛ Ɗajashonɛlapayi nɛ̃ɛ̃ti i shi a kawanɛ nɛ̃ɛ̃ti a kotipi, i sã sɔrɔ nɛ̃ɛ̃tim nɔgbete i yɛ shɛ dɔɔɓa a kotipi niɓa, ko a wapo ko a laa wɔni ɓa. Kɛɗɔn n zɛ Ɗajashonɛlapa wɔ u ɗɔ lapa gẽnɛ aka gɨnri sã Ɗalapa au suru ɗɔn u virɛnɛ a naa. A ɓaa Ɗajashonɛlapa nɛɛtiwiyi nya a gãgãni shɔgbete Ɗalapa ãyi kaka vi lɛsinɛ a kotipi a waponiyɛ. Ɗajashonɛlapau shanɛ,<<Mɔkɔ lɛsi kotipinɛ, a waponi, ko laayi, setɛ u pɔ̃si Ɗa jawɛrɛyi naatɛ a virɛnɛ ai nɔɔkɨn.>> Shɔ gelin nɛ shɔgbete shɔ pɔ̃siyinaayɛ a Ɗalapa virɛnɛ isi (144,000). I sipɛ shɔ Israilayi nyakoo kopi atu ziti. Ko-pi nyakoo shopiya shɔ pɔ̃siyi shɔzɛ lazɔrɔɔ kopi atu ziti naaː shɔ Yahuda, Rubɛn, a Gad ni, shɔzɛ lazɔrɔ kopi atu ziti a Asha i nyakoo, Naptali, a Manase ni, Shɔzɛ lazɔrɔɔ kopi atu ziti a Simeon nyakoo, Lewi, a Isaka ni, Shɔzɛ laazɔrɔ kopi atu ziti a Zebulun nyakoo, Yusufu, a Benjame ni.

Moo Waanɛ Ko-pi a Tipi shopiya

A knti vim n kɨnnɔɔ n zɛ moo waanɛ a shɔ gai dɔɔɓa! I shɛ a tipi tot-tot, a laduru tot-tot, a nyakoo tot-tot, i shi a ɗekɨn lakpati a jamɛ̃rɛ̃ ɗekɨn. I tosi fãrã puru i sãli nasẽrẽ laa kãkã ai naa. I ɓaanya a gãgãni nɛː <<Raanɛ shɛ au Ɗalapa naa, shɔgbete au ɔ̃ a lakpati, a jamɛ̃rɛ̃ naa!>> Ɗajashonɛlapayi kpai i shi aɗɔ lakpatiukɔ, shɔpɛ̃niyi a visuru nɛ̃ɛ̃tiyini. Kɛɗɔn i nwesi a ɗekɨn lakpatiu i zuli nɔɔ adi i bassi Ɗalapa rɛ, i shanɛ, <<Nankɔ! Bɛlinɛ, bassinɛ, serẽ, dɔ̃rinɛ, banɛ, kaka, a kaka vishoni u ɔ̃ u Ɗalapa ɓɛɛkɔ dangdang! Nankɔ!>>

Shɔzɛ gbete atette shɔpẽni hɨnnɛ, <<Shɔgbete ai tosi fãrã puru gbɛm miyi ɓɛɛ piwiya? I shɛpi a ɗɔpiya?>>

N risiunyanɛ<<N ji zɛ ɓa, shɔmala. A zɛtɛ.>>

A gelin nɛ, <<Shɔmpɛ shɔ ai shɛ a raatasinɛ fɛ̃ɛ̃myi naa. I sɔkiyi fãrã tɛ a kpaa jamɛ̃rɛ̃ puru ɓolo-bolo. << N ji zɛ ɓa, shɔmala. A zɛtɛ.>>

A gelin nɛ, <<N pɛ shɔ ai shɛ a raatasinɛ fɛ̃ɛ̃myi naa. I sɔkiyi fãrã tɛ a kpaa jamɛ̃rɛ̃. Aruukɔ i shi a ɗekɨn Ɗalapa lakpati, i ɗɔgbete i pɛliu vishonɛ niti a zɨmbani au wɛrɛ Ɗa. Shɔu ɔ̃ a lakpatiu au ɗɔbii yɛ kɔyitɔ. I yɛ nta nwo tɔɓa a sutuni ɓa; i yɛ nta ɗaa tonɛ ɓa ko ɗɔɔ shẽshẽ au yɛ rotiyiyɛ ɓa, aruviya jamɛ̃rɛ̃ gbete u atette lakpatiu, ukɔ yɛ ɔ̃rɛ i shɔ ganɛ, yɛ tɛsiyi ɗekɨn yɛnɛ ɗɔgbete mii suru ɓu aɗɔnyɛ. Ɗalapa yɛ sɔ̃riyi miri a nɔɔ piti kpai.

Lamma Bible Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.