Lamma Bible Translation Project
Tasine 12
Suwɔ a Sɔɔ pɛ̃niba au shɛshi yaa au nya
Kɛɗɔn n zɛ viseti pɛ̃niba shɛ a kunyasi, n zɛ suwɔ u fãrã tosinɛ si ɗaa, u dɔɔ si ayuu shɛlɛ, tosi wayu kpati gbete u sɛ a biini kopi atu ziti au yuu. U jaa si a yɛti, sɨnrɛ u ɗɔ kɔnɛ ntanɛ aruviya u si nyaba jaa yeenɛ. Kɛɗɔn viseti wɔ shɛrɛ a kunyasi, si pɛ sɔɔ nweri au shɛshi yaayɛ pɛ̃niba, u yuu manzii u lagee kopi li wayu kpati manzii ko-pi au yuu shopiyani U ɗe gɔ̃ sɛ kn gbete atette taati a kunyasi ko- pi shɔpiyani anɛ tipi a kotipi. U ɗɔ shinɛ a suu ɗekɨn, aru kɛ yeejaanɛ tɛ̃ɛ̃ti nam u shaarɛ. Kɛɗɔn yee javɔshɔrɛ, au yɛ roo kpati u sã shɔ a koo kpai a nyaba yukɔnɛ. ama shɔ raa jaau rɛ shɔ n-tiu Ɗalapa ɗɔbii au lakpatiuni. Suu yuurɛ yɛnɛ gɔggɔɔ, ɗɔ gbete Ɗalapa pɛlirɛ nɛu ɔ̃ ɗɔni, ɗɔgbete shɔ kɔuyɛ yɛnɛ lee laa maani ɓa kopi atu ziti au jaa laa taati (1,260).
Kɛɗɔn sɨn ranaa a kolapa. Mikel au ɗajashonɛlapayi waabarɛ a sɔɔ pɛ̃nibauni, sɔɔ pɛ̃nibau au jashonɛlapayini i waaba sɔ̃njirɛ a yini. Ama bau tɛɛ sɔɔu kakarɛ, u au jashonɛlapayini shɔ ji yau tɔɓa nɛ ɔ̃rɛ a kolapani ɓa. Kɛɗɔn shɔ loki kpɛnti sɔɔ pɛ̃nibaurɛ, kɛ sɔɔ tɛ̃ɛ̃tɛ̃ɛ̃m shɔ ɓaunɛ kpati rãmã ko japɛ̃pɛ̃ɛ̃, au ɗaki shɔ kotipitɛ kpaimi, shɔ lokiutɛ a kotipi au jashonɛni kpai.
Kɛɗɔn n nta yeenya pɛ̃niɓa a kolapa kɛ shanɛ nɛ<<Dɔdɔrim Ɗalapa shɔraanɛ atɛ! Dɔdɔrim Ɗalapa tasiu kakatɛ nɛn kpati! Dɔdɔrim u Kirisi tasiu kakatɛ! Aruviya shɔ gbeteu shi au Ɗalapa ɗekɨn wuli shɔ sisɨn ãnɛ ko-pi leepiya zɨmba a niti ni shɔ yikiutɛ a kolapani. Ɗashaariyirɛ au yuuni, a nyaba Ɗa jamɛɛrɛ kpaa nteenɛ, a nyaba ruu tɔ̃vɨn gbete i nwari shɔyɛni, i ji ntaseti vɔnɛ ɓa. Aru nankɔ ɔ nta sisɨn purunɛ, ɔ kolapa, shɔgbete ɔ ɔ̃ a ɗɔnimi! Ama ɔ sisɨn yɛ vɨmtɔ fɛ̃ɛm kotipi a waponi! Aruviya japɛ̃pɛ̃ɛ̃ nɔtɛ awɔ ɗɔbii a kotipi, u nɔɔ a yɛtini fɛ̃ɛm aruviya zɛtɛttɔ u ɗaa yaatɛ sekaa!>> Naa sɔɔ pɛnibau zɛtɛ nɛ shɔ lokintɛ a kotipi, kɛɗɔn gaa kɛ su au yee javɔshɔu yikini. Shɔ ã suu ɓagenwerɛ nakosẽri pɛ̃niba ziti, aru u durɛ yɛnɛ u ɗɔ ɔ̃nɛ a gɔggɔɔ, a ɗɔgbete shɔyɛ kɔuyɛ saa taati a ɗiti, nɔgbete sɔɔu yɛ lɛsiu ɓayɛ. Kɛɗɔn sɔɔ pɛnibau shɛshi mii au nya naa mii ɓooti a suu knti aruviya nɛ siutɔ. Ama tipi raa suu rɛ; tipi ɓeli nyarɛ a mɛ mii au shɛ a sɔɔu nyarɛ. Sɔɔu lɛsi sisɨn a suuni fɛ̃ɛm, a yurɛ nɛn waaba a suu laduru gãsini, shɔ gbeteyi gɨn Ɗalapa nya-ãsinɛyɛ kpai, ai sisɨn ãnɛ ɗɔn fɛ̃ɛm ayuu ruu tɔ̃vɨn e Yesɔ ɓeliyɛ. Kɛɗɔn sɔɔ pɛ̃nibau shikɛ a seseli a nya wapo.
Lamma Bible Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.