Lamma Bible Translation Project
Tasine 10
ƊajashonɛLapa a labeenɛ Linɛ Fɛ̃ɛ
Kɛɗɔn n zɛ Ɗajashonɛlapa pɛ̃niba u ɗɔɔ nɔnɛ a kolapa. U si a sabu, tagãnɗa au ɗɔ yuuni; u nɔkɨn si naa ɗaa, u dɔɔ si naa yaa ɗɛɛti. U labeenɛ lini fɛ̃ɛ ɓɛlinɛ si au naani. Pɔ̃u dɔɔ nakɨn a wapo, u dɔɔ nagãng si a tipi, a ɓaanya a gãgãni naa zɨngan layɛ. A knti gbete ɓaanyatɛ, see jalɛ manziiwi i kasinyarɛ. Naa i nwanyatɛ tɛ̃ɛ̃ti nam, sin kɛ beenɛtɔ. Ama n nta yeenya a kolapa nɛ, <<Ɓusi vigbete jalɛ manziiwi i shayɛtɔ, mɔkɔ beenɛ!>>
Kɛɗɔn Ɗajashonɛlapa gbete n zɛuyɛ au shi a yuu wapo a tipi ɗeu nakɨn a lapa a teerɛ a Ɗalapa nii, shɔgbete au ɔ̃ dangdang yɛ, shɔgbete au shishɛ kolapa, kotipi, a wapo, a vigbete au ɓuzɨnyɛni. Ɗajashonɛlapau shanɛ,>> Jang ɓaanɛ tɔkɨn ɓa! Ama aɗagbete Ɗajashonɛlapa manzii kɛ geeu gãntiyɛ, Ɗalapa yɛ yisiikɛ u viɓusinɛ nya, nagbete geli u jawɛrɛ janyagadiyi yɛ.>>
Kɛɗɔn n nta yeenya au nwanya si a nkɔni a kolapayɛ, nwanya sɔ̃n a nkɔni, u ɗɔ shanɛ nɛ,>>Yɛnɛ a tɛ labeenɛ linɛ fɛ̃ɛ̃u gbete a Ɗajashonɛlapa naa au shi a wapo a tipiniyɛ.>>
N yɛrɛ n geli Ɗajashonɛlaparɛ n-tɔ u ang labeenɛ linɛ fɛ̃ɛ̃ nɛ. A gelinɛ, <<Tɛnɛ a sharɛ; yɛ ɔ̃ gbari aa yɛtini, ama aa nya yɛ shɔ̃ti naa wara.>>
N tɛ labeenɛ linɛ fɛ̃ɛ̃ rɛ au naa n sharɛ, n ntarɛ shɔ̃ti naa wara ang nyani. Ama a knti gbete n mɛtɛ, rikɛ gbari ang yɛtini. Kɛɗɔn shɔ pasin gelinɛ nɛ, <<Ɔ̃raatɛ kaka jazɨng akɔrɔ a nwari shɔ Ɗanyaruubiitɔ a tipi tottot, a shɛ̃ɛ̃ shɔzɛyi, a nyakooyi, a kpatiyini.>>
Lamma Bible Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.