Skip to content
BibleKenya

Lamma Bible Translation Project

Matiyu 20

Ruuɓusine a shɔvi shone Jaa i yuu

Kpati roone a kolapa nami. Shɔwɔ ɗɔn shɛ gadi zɨɨnkɔ nen kã shɔ i pɛlin vishɔne a jaa, Nwanya a yini, i shi a yuu azurfa gbete (lasaka gbete u saa a yuu ni waa-ne), kopi lɛpiya kɛdɔn ãi narɛ yɛne jaa.

Shɔ jau Shɛɓili sɔ̃n a kpaa shɔwɔyi aɗɔ shilinɛ weze a nya ɗɔ moo, si ɗaa yetɛ kɔsine taat. A geliyinɛ, <<Ɔ yɛne ɔ shɔvii ang jaa, n yɛn shɔrɔ vigbete tɔ̃vɨn.>> Nankɔ i yɛrɛ.

Shɛɓili sɔ̃n a tete niti a shɛ wɔsɔ̃n ɗa kɔsine taat a gɛliyi sɔ̃n jo nagbete geli shɔ gãsiyi yɛ. Shɛ sɔ̃n ɗa kɔsine maani, a kpaa shɔwɔyi sɔ̃n ɗɔ shiline a nya ɗɔ moo. A hɨnɛ, Ɔ shiline vi siji gadi ane ɗaddarɛ ɓa vishone ɓaviya?

Shɔwɔ ji tuuɓa vishɔne niɓa. Nya gbeteyi kasiyɛ, kɛɗɔn a geliyi sɔ̃njo ne ɔ yɛne ɔ shɔvi ang jaa. Naa ɗarɛ pɛlitɛ, shɔjau geliu jawɛrɛ ne, ɓa shɔ jalanewi yãne a shorii saa jalane rɛ, a gaa a shɔgbete shɔ kuna ayini yɛ yɛne shɔgbete shɔ gaa a yini yɛ.

Shɔ gbeteyi a a ɗaɗarɛ yɛ shɔ ãi saa azurfa gbete a kopiya. Shɔgbete ai gaa yuu jalane yɛ, i tee sisɨn nei tɛ bang. I tɛli sɔ̃njo azurfa gbete kopi gbete piya. Naa i tɛlitɛ saa jau tɛ, i gaa shɔ jau marine rɛ. Shɔgbeteyi a jaa a kɨntim i lajaa jo rine gbete, i sha nankɔ, shɔ gbeteu lajaa naa ɗa kɛ nyoune a shɔriu saa yini zali aru viya.

Kɛɗɔn shɔ jaa kasi gbete wɔɔ nyane, <<Masa, n ji mulɔɓa.>> Aji kasi nya ɓa nɛn yɛ lajaa azurfa gbete ɓaya? Tɛa saa nɛ a yɛ wɛrɛ. N kɔng kasi shɔ gbete au a kɨntim ãne jo naa n kasiyɛ. N nyaba ɓa ɗɔnni n pɛline nɔgbete n kasi n pɛli ang saa ni ɓaya? A yɛti lɛsitɔ a tɔ̃vɨn gbete n pɛli yɛni nya? <<Yesɔ yisi nwanya a shanɛ Yɛ ɔ̃ nankɔ, shɔ knti i yɛ sɔɔ ɗekɨn, shɔ ɗekɨn i yɛ sɔɔ knti.>>

Yesɔ nwanya sɔ̃n ɓa taati aru u vɔnɛ

Aɗagbete Yesɔ usi a ɗɔ Urushalima yɛnɛ, gɔ̃u jadoyi kagbete a gelinɛ, U yɛkɛ Urushalima, a ɗɔwakɔ shɔyɛ ã jaa shɔzɛ a yupɛ̃ni shɔlansi a shɔmala nyaãsine naa. I yɛ bɛ̃ɛ̃utɔ a nyɔu vɔrɔ i yɛ ãu kɛ shɔgbeteyi gɨn Ɗa ɓayɛ a naa, i ãriu nya, i waurɛ, i ɓau naa a laa u vɔrɛ. A knti lee taati shɔ yɛ yusiu lapa a suru ni.

Jawɔyi ɓini gaki nɛ

Kɛɗɔn Zebedi ɓeso arɛ a Yesɔ ɗɔbii a jaayi ni ziti, ta a yuu gboti, a gaki vii tɔ̃vɨn au naa. <<A kasi iviya?>>Yesɔ hɨu rɛ. A shanɛ, <<yasin nyaba pɛ a tete majaami wɔɔu ɔ̃ aa nakɨn wɔɔu ɔ̃ aa nagãng aa kpati roone.>>

<<Ɔji zɛ vigbete ɔ gaki yɛ ɓa,>> Yesɔ geliyi rɛ. <<Ɔyɛ ɓoo kati a jawaa gbete n yɛn ɓoo yɛ ya?>>I kasi nyarɛ<<U zɛnoo tɔ.>> Yesɔ geliyi nɛ, <<Ɔ yɛ ɓootɔ ang jawaa ni nizɛ, ɔ̃nɛ ang nakɨn ko ang nagãng ɓang maɓa.>> Ɗɔ ɔ̃nem pɛ shɔ gbete mayɛ pɔ̃siyi yɛ i ɓɛɛ. Naa Yesɔ jadɔyi kopi gãsi i nta vimtɛ, i yɛti lɛsi a ɓɛzɔ̃ ziti ni waanɛ. Yesɔ ɓai nyarɛ piti kpai a shanɛ,<<Ɔ zɛ shɔ gbeteyi gɨn Ɗa ɓam, kpati roonɛ tɛttɔ i pɛlivi a kaka ni, i yupɛ̃ni ma i tasi shɔ kaka. Yɛ ɔ̃ ɓa nankɔ awɔ tete niɓa. Shɔu kɛ kasine neng ɔ̃ yupɛ̃ni awɔ tete u kɔu ɔ̃rɛ jashɔne, Shou kɛ kasine nɛn ɔ̃ shɔ ɗekɨn ukɔ yɛ ɔ̃rɛ ɔ foo Naa gbete Yesɔ, jashɔzɛ jo a ɓa nɛ shɔu shɔshin viɓa, ama u shɔshi shɔvi, u ãu suru naa jamɛɛrɛ aru shɔgbeteyi gɨu yɛ i raa naa piti kpai.>>

Yesɔ gati shɔnoo gbãtiyi ziti

Naa Yesɔ yulapa tɛ au jadɔyi ni yɛne koomoo Jeriko, moo waane i gɨu dɔɔ ni. Shɔnoo gbãtiyi ziti i ɔ̃ a nyakara nyaba, Naa i ntarɛ nɛ Yesɔ kɛ tɛne, i shaati nyarɛ nɛ,<<Uɓeyelapa, Ɗauda ɓejaa, ntau raajoǃ>> Mooyi marirɛ a geliyi nei zɨɨ nyanɛ, ama i shaati nyakɛ bang, <<Uɓeyelapa, Dauda nta u raajoǃ>> Yesɔ shirɛ a ɓai nyarɛ. <<Ɔ kasin nɛn pɛlɔɔ iviya?>> Vi gbete hɨyɛ. I kasi nyanɛ,<<Uɓeyɛlapa, U kasi ɗɔzɛnɛ.>>

Aruumkɔ raa pɛli Yesɔrɛ, ɗii naarɛ ai nɔɔ, a kɨntiuni tɛ̃ɛ̃ti i gaa ɗɔɔ zɛnɛrɛ kɛɗɔn i gɨn Yesɔ rɛ.

Lamma Bible Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.