୨ତିମ

ତୀମଥିଙ୍କ ନିକଟକୁ ପାଉଲଙ୍କ ଦ୍ୱୀତିୟ ପତ୍ର

ତିମତି ତା଼ଣା ପା଼ୱୁଲ ରା଼ଚାମାନି ରୀ ଲମ୍ବର ଆ଼କୁ

ମୂଲୁ ହା଼ଡା

୨ତିମ ଆ଼କୁ ପା଼ୱୁଲ ତା଼ଣାଟି ତାନି ସୀସୁ ତିମତି ତା଼ଣା ରା଼ଚାମାନି ଆ଼କୁ । ତିମତି ରୀ ଲମ୍ବର ଆ଼କୁ ପା଼ୱୁଲତି ବାରେତି କିହାଁ ଡା଼ୟୁ ରା଼ଚିତି ଆ଼କୁ । ଈଦି ପା଼ୱୁଲତି ଜୀୱୁ ରା଼ନି ବେ଼ଲାତା ରା଼ସ୍‌କି ଆ଼ହାମାଣ୍‌ମ୍ବିନେ । ଏଚିବେ଼ଲାତା ଏ଼ୱାସି ର଼ମ୍‌ ଗା଼ଡ଼ାତି କାୟିଦି ଇଲୁତା ମାଚେସି

ଈଦି ପା଼ୱୁଲ ରା଼ଚାମାନି ସା଼ରିଗଟା ଆ଼କୁ ବିତ୍ରାଟି କୁଲମିତି ପିସାନା ର଼ ମାଣ୍‌ସିକି ରା଼ଚିମାନେସି । ଅ଼ଡ଼େ ଏଟ୍‌କାତି ତୀନିଗଟା ଆ଼କୁ ତିମତି ମୂଲୁ ଆ଼କୁ, ତିତସ, ଅ଼ଡ଼େ ପିଲିମନ । ତିମତି ରୀ ଲମ୍ବର ଆ଼କୁ ରା଼ଚିତି ବେ଼ଲାତା ର଼ମ୍‌ ଗା଼ଡ଼ାତା ସା଼ଲୱି କିନାରି ହା଼ରେକା ସା଼ସ୍ତି ହୀହିମାଚେରି । ଇଲେତି ସା଼ସ୍ତି ଆ଼ହିମାଚାକି ପା଼ୱୁଲ କାୟିଦିତା ଡ଼ୟାମାଚେସି । ମୂଲୁତି ଆ଼କୁ ଲେହେଁ ପା଼ୱୁଲ ତିମତିଇଁ ମିଚି ଜା଼ପ୍‌ନାରି ତା଼ଣାଟି ଜାଗ୍ରାତା ଆ଼ହାଲି ୱେସିମାନେସି ।

ପତିତା ମାନାୟି

୧. ପା଼ୱୁଲ ତିମତିଇଁ ଜହରା କିହାନା ମା଼ଟ୍‌ନାୟି ଅ଼ଡ଼େ ଏ଼ୱାଣାଇଁ ସା଼ସା ହୀନାୟି ।

୨. ପା଼ୱୁଲ ତିମତିଇଁ କସ୍ତ ଅ଼ର୍‌ହାଲି ସା଼ସା ହୀହିମାନେସି ।

୩. ତିମତିଇଁ ଏଚେକା କାତା ୱେହ୍‌ନାୟି ।

୪. ରା଼ନି ଦିନାତା ଗଟୱି ଆ଼ନାଆଁ ଅ଼ଡ଼େ ସାତା ଜିରୁ ବାଚି କିହାଲି ଜାଗ୍ରାତା କିନାୟି ।

୫. ପା଼ୱୁଲ ତିମତିଇଁ ଏଚେକା ଅଣ୍‌ପୁତି କାତା ୱେସାନା ଆ଼କୁତି ରା଼ପ୍‌ନାୟି ।