Kuvi Bible
ନିହିଁ 7
କ଼ଟାକାତି ରା଼ହାଲିଏ, ନା଼ନୁ ଦା଼ରାୟାଁ ବାରେ ନିପ୍ହେଏଁ, ଇଞ୍ଜାଁ ଦୁୱେରିତା କା଼ଃନାରି ଅ଼ଡ଼େ ପା଼ଚିନାରି ଇଞ୍ଜାଁ ଲେ଼ବିୟ ଲ଼କୁ ଆ଼ଚ୍ୱି ଆ଼ତେରି। ଏଚେଟିଏ ନା଼ନୁ ନା଼ ତାୟି ହନାନି ଅ଼ଡ଼େ କ଼ଟା ଇଲୁତି ସା଼ଲୱି କିନି ହନାନିୟଇଁ ଜିରୁସାଲମ ତାକି ଆ଼ଚିତେଏଁ; ଇଚିହିଁ ହନାନିୟ ନାମୁଗାଟାସି ମାଚେସି, ଇଞ୍ଜାଁ ଏ଼ୱାସି ବାରେକିହାଁ ମାହାପୂରୁଇଁ ଆଜିମାଚେସି। ଅ଼ଡ଼େ ନା଼ନୁ ଏ଼ୱାରାଇଁ ଏଲେଇଚେଏଁ, “କାରା ଜୂରାଆ଼ଆ ପାତେକା ଜିରୁସାଲମତି ଦୁୱେରି ଦେପି ଆ଼ଆପୁ; କା଼ପୁ କା଼ଃନି ଲ଼କୁ ନିଚାମାନାଟିଏ ବାରେ ଦୁୱେରିକା ସୁଣ୍ତାଦୁ, ଅ଼ଡ଼େ ଏମ୍ବାତି ଅର୍ଗଡ଼ି ହୀଦୁ; ଇଞ୍ଜାଁ ମୀରୁ ଜିରୁସାଲମତା ବାସା କିହାମାନି ଲ଼କୁଣି କା଼ଚାଲି ତାକି ଆ଼ଚାଦୁ, ଏ଼ୱାରି ଜାହାରା ଜାହାରା ଡ଼ୟିନି ଟା଼ୟୁ ଅ଼ଡ଼େ ଜାହାରା ଜାହାରା ଇଲୁ ନ଼କିତା ଡ଼ୟାପେରି।”
ୱେଣ୍ତା ୱା଼ତି ଲ଼କୁତି ଲେକା
(ଏଜ୍ରା ୨:୧-୭୦)
ଗା଼ଡ଼ା ଅ଼ସାରା ଅ଼ଡ଼େ କାଜାୟି ମାଚେ; ସାମା ଏ଼ ବିତ୍ରା ଇଚରା ଲ଼କୁ ମାଚେରି ଅ଼ଡ଼େ ଇଲ୍କା ବାରେ ତିୟାରା ଆ଼ହା ହିଲାଆତୁ। ଏଚେଟିଏ କୂଡ଼ାତି ଲେକା ତଲେ ଏଜିକିୱି ଆ଼ହାଲି ତାକି ମା଼ନିଗାଟି କାଜାରାଇଁ ଅ଼ଡ଼େ ଲ଼କୁଣି କୂଡ଼ି କିହାଲି ନା଼ ମାହାପୂରୁ ନା଼ ମ଼ନତା ଅଣ୍ପି କିୟାତେସି। ଇଞ୍ଜାଁ ଆମିନି ଗାଟାରି ନ଼କେଏ ୱା଼ହାମାଚେରି, ନା଼ନୁ ଏ଼ୱାରି କୂଡ଼ାତି ପତି ବେଟାଆ଼ତେଏଁ, ଏମ୍ବାଆଁ ଇଲେକିଁ ରା଼ସ୍କି ଆ଼ହାମାଚାଣି ମେସ୍ତେଏଁ।
ଆମିନିଗାଟାରି ଦସ୍ପି ଆ଼ହାଁ ଅ଼ୱି ଆ଼ହାମାଚେରି, ଏ଼ୱାରି ବିତ୍ରାଟି ରା଼ଜିତି ଈ ମୀର୍କା ବାରେ ଜିରୁସାଲମ ଅ଼ଡ଼େ ଜୀହୁଦାତି ଜାହାରା ଜାହାରା ଗା଼ଡ଼ାତା ୱେଣ୍ତା ୱା଼ତେରି, ବାବିଲତି ରାଜା ନବକୁଦ୍ନିସ୍ଚର ଈୱାରାଇଁ ଅ଼ହାମାଚେସି; ଈୱାରି ଜିରୁବାବିଲ୍, ଜେସୁୟ, ନିହିଁମିୟା, ଅସରିୟ, ରୟମା, ନହମାନି, ମର୍ଦକୟ, ବିଲ୍ସନ୍, ମିସ୍ପର, ବିଗ୍ବୟ, ନହୁମ୍, ବାନା ତଲେ ୱେଣ୍ତା ୱା଼ତେରି। ଇସ୍ରାୟେଲ କୂଡ଼ାତି ଆ଼ବାୟାଁତି ଲେକାତା ଈୱାରି।
ପରିୟସ ମୀର୍କା ରୀ ମା଼ଣା ର଼ ୱାଞ୍ଜା ତୀନି କ଼ଡ଼ି ବା଼ର ଜା଼ଣା।
ସପଟିୟ ମୀର୍କା ତୀନି ୱାଞ୍ଜା ତୀନି କ଼ଡ଼ି ବା଼ର ଜା଼ଣା।
ଆରହ ମୀର୍କା ସ଼ୱାଞ୍ଜା ଦୁଇ କ଼ଡ଼ି ବା଼ର ଜା଼ଣା।
ଜେସୁୟ ଅ଼ଡ଼େ ଜୟାବତି ମୀର୍କା ବିତ୍ରାଟି ପହତ୍-ମୟାବତି ମୀର୍କା ରୀ ମା଼ଣା ଆ଼ଟା ୱାଞ୍ଜା ଅଟର ଜା଼ଣା।
ଏଲମ୍ ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସଦ ଜା଼ଣା।
ସତୁ ମୀର୍କା ଆ଼ଟା ୱାଞ୍ଜା ଦୁଇ କ଼ଡ଼ି ପା଼ସା ଜା଼ଣା।
ସକ୍କୟ ମୀର୍କା ସା଼ତା ୱାଞ୍ଜା ତୀନି କ଼ଡ଼ି ଜା଼ଣା।
ବିନୁୟି ମୀର୍କା ସ଼ୱାଞ୍ଜା ଦୁଇ କ଼ଡ଼ି ଆ଼ଟା ଜା଼ଣା।
ବେବୟ ମୀର୍କା ସ଼ୱାଞ୍ଜା କଡ଼େ ଆ଼ଟା ଜା଼ଣା।
ଅସ୍ଗଦ ମୀର୍କା ରୀ ମା଼ଣା ତୀନି ୱାଞ୍ଜା କଡ଼େ ରିଆରି ଜା଼ଣା।
ଅଦନିକାମ ମୀର୍କା ସ଼ୱାଞ୍ଜା ତୀନି କ଼ଡ଼ି ସା଼ତା ଜା଼ଣା।
ବିଗ୍ବୟ ମୀର୍କା ରୀ ମା଼ଣା ତୀନି କ଼ଡ଼ି ସା଼ତା ଜା଼ଣା।
ଆଦିନ ମୀର୍କା ସ଼ୱାଞ୍ଜା ଦୁଇ କ଼ଡ଼ି ପନ୍ଦର ଜା଼ଣା।
ହିଜକିୟ କୂଡ଼ାତା ଜାର୍ନା ଆ଼ତି ଆଟେର ମୀର୍କା ସା଼ରି କ଼ଡ଼ି ଅଟର ଜା଼ଣା।
ହସୁମ ମୀର୍କା ତୀନି ୱାଞ୍ଜା କଡ଼େ ଆ଼ଟା ଜା଼ଣା।
ବେତ୍ସୟ ମୀର୍କା ତୀନି ୱାଞ୍ଜା କଡ଼େ ସା଼ରି ଜା଼ଣା।
ହାରିପ ମୀର୍କା ର଼ ୱାଞ୍ଜା ବା଼ର ଜା଼ଣା।
ଗିବିୟନ ମୀର୍କା ସା଼ରି କ଼ଡ଼ି ପନ୍ଦର ଜା଼ଣା।
ବେତଲିହିମ ଅ଼ଡ଼େ ନଟପା ଲ଼କୁ ର଼ ୱାଞ୍ଜା ସା଼ରି କ଼ଡ଼ି ଆ଼ଟା ଜା଼ଣା।
ଅନାତତ୍ ଲ଼କୁ ର଼ ୱାଞ୍ଜା କଡ଼େ ଆ଼ଟା ଜା଼ଣା।
ବେତ୍-ଅସ୍ମାବତ ଲ଼କୁ ଦୁଇ କ଼ଡ଼ି ରିଆରି।
କିରିୟତ୍ ଜିୟାରିମ୍, କପିରା ଅ଼ଡ଼େ ବେରତ ଲ଼କୁ ସା଼ତା ୱାଞ୍ଜା ଦୁଇ କ଼ଡ଼ି ତୀନି ଜା଼ଣା।
ରାମା ଅ଼ଡ଼େ ଗେବାତି ଲ଼କୁ ସ଼ୱାଞ୍ଜା କଡ଼େ ରଅସି।
ମିକ୍ମସ ଲ଼କୁ ର଼ ୱାଞ୍ଜା କଡ଼େ ରିଆରି।
ବେତେଲ୍ ଅ଼ଡ଼େ ଅୟ ଲ଼କୁ ର଼ ୱାଞ୍ଜା କଡ଼େ ତୀନି ଜା଼ଣା।
ଏଟ୍କା ନବତି ଲ଼କୁ ଦୁଇ କ଼ଡ଼ି ବା଼ର ଜା଼ଣା।
ଏଟ୍କାତି ଏଲମ୍ ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସଦ ଜା଼ଣା।
ହାରିମ ମୀର୍କା ତୀନି ୱାଞ୍ଜା କଡ଼େ ଜା଼ଣା।
ଜିରିହ ମୀର୍କା ତୀନି ୱାଞ୍ଜା ଦୁଇ କ଼ଡ଼ି ପା଼ସା ଜା଼ଣା।
ଲଦ୍, ହାଦିଦ୍ ଅ଼ଡ଼େ ଅନ ମୀର୍କା ସା଼ତା ୱାଞ୍ଜା କଡ଼େ ରଅସି।
ସନାୟା ମୀର୍କା ତୀନି ମା଼ଣା ନ଼ ୱାଞ୍ଜା କଡ଼େ ଦସ ଜା଼ଣା।
ପୂଜେରାଙ୍ଗାତି ଲେକା; ଜେସୁୟ କୂଡ଼ାଟି ଜିଦୟିୟ ମୀର୍କା ନ଼ ୱାଞ୍ଜା ତୀନି କ଼ଡ଼ି ତେ଼ର ଜା଼ଣା।
ଇମ୍ମେର ମୀର୍କା ର଼ ମା଼ଣା ଦୁଇ କ଼ଡ଼ି ବା଼ର ଜା଼ଣା।
ପସ୍ହୁର ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସା଼ତା ଜା଼ଣା।
ହାରିମ ମୀର୍କା ର଼ ମା଼ଣା ସତର ଜା଼ଣା।
ଲେ଼ବିୟ ଲ଼କୁତି ଲେକା; ହେଦବା ମୀର୍କା, ଜେସୁୟ ମୀର୍କା, କଦ୍ମିୟେଲ ମୀର୍କା ତୀନି କ଼ଡ଼ି ସଦ ଜା଼ଣା।
ପା଼ଚିନାରା ଲେକା; ଆସପ ମୀର୍କା ର଼ ୱାଞ୍ଜା ଦୁଇ କ଼ଡ଼ି ଆ଼ଟା ଜା଼ଣା।
ଦୁୱେରିତା କା଼ଃନାରି ଲେକା; ସଲୁମ୍ ମୀର୍କା, ଆଟେର ମୀର୍କା, ଟଲ୍ମନ ମୀର୍କା, ଅକ୍କୁବ ମୀର୍କା, ହଟିଟା ମୀର୍କା, ସବୟ ମୀର୍କା ର଼ ୱାଞ୍ଜା କଡ଼େ ଅଟର ଜା଼ଣା।
ମାହାପୂରୁ ଇଲୁ ସେ଼ବା କିନାରି ଲେକା; ସିହର ମୀର୍କା, ହସୁପା ମୀର୍କା, ଟବ୍ବାୟତ ମୀର୍କା; କରସ ମୀର୍କା, ସିୟ ମୀର୍କା, ପାଦନ ମୀର୍କା; ଲବାନା ମୀର୍କା, ହଗାବ ମୀର୍କା, ସଲ୍ମୟ ମୀର୍କା; ହାନନ୍ ମୀର୍କା, ଗିଦେଲ ମୀର୍କା, ଗହର ମୀର୍କା; ରାୟା ମୀର୍କା, ରତ୍ସିନ ମୀର୍କା, ନକଦ ମୀର୍କା; ଗସମ ମୀର୍କା, ଉସ ମୀର୍କା, ପାସେହ ମୀର୍କା; ବେସୟ ମୀର୍କା, ମିୟୁନିମ ମୀର୍କା, ନପିସିମ ମୀର୍କା; ବକ୍ବୁକ ମୀର୍କା, ହକୁପା ମୀର୍କା, ହର୍ହୁର ମୀର୍କା; ବସ୍ଲୁତ ମୀର୍କା, ମହିଦା ମୀର୍କା, ହର୍ସା ମୀର୍କା; ବର୍କସ ମୀର୍କା, ସିସରା ମୀର୍କା, ତେମହ ମୀର୍କା; ନତ୍ସିହ ମୀର୍କା, ହଟିପା ମୀର୍କା। ସଲମନତି ହ଼ଲିୟାଙ୍ଗା ମୀର୍କାତି ଲେକା; ସଟୟ ମୀର୍କା, ସପେରତ ମୀର୍କା, ପରିଦା ମୀର୍କା; ଜାଲା ମୀର୍କା, ଦର୍କଣ ମୀର୍କା, ଗିଦେଲ ମୀର୍କା; ସପଟିୟ ମୀର୍କା, ହଟିଲା ମୀର୍କା; ପକେରତ୍-ହତ୍ସବାୟିମ ମୀର୍କା ଅ଼ଡ଼େ ଆମନ୍ ମୀର୍କା। ବାରେ ମାହାପୂରୁ ଇଲୁତି ସେ଼ବା କିନାରି ଅ଼ଡ଼େ ସଲମନତି ହ଼ଲିୟାଙ୍ଗା ମୀର୍କାତି ଲେକା ତୀନି ୱାଞ୍ଜା ସା଼ରି କ଼ଡ଼ି ବା଼ର ଜା଼ଣା।
ଇଞ୍ଜାଁ ତେଲ୍-ମେଲହ, ତେଲ୍-ହର୍ସା, କରୁବ୍, ଅଦନ୍, ଅ଼ଡ଼େ ଇମ୍ମେର, ଈ ବାରେ ଟା଼ୟୁଟି ଲ଼କୁ ୱା଼ତେରି; ସାମା ଏ଼ୱାରି ଇସ୍ରାୟେଲ ଲ଼କୁ ଇଞ୍ଜିଁ ତାମି ଆକୁୟାଁ କୂଡ଼ାତି ୱେସାଲି ଆ଼ଡାଆତେରି; ଏ଼ ଲ଼କୁ ଆ଼ତେରି, ଦଲୟିୟ ମୀର୍କା, ଟବିୟ ମୀର୍କା, ନକଦ ମୀର୍କା ସ଼ୱାଞ୍ଜା ଦୁଇ କ଼ଡ଼ି ରିଆରି।
ପୂଜେରାଙ୍ଗା ବିତ୍ରାଟି ହବାୟ ମୀର୍କା, ହକସ୍ ମୀର୍କା, ବର୍ସିଲୟ ମୀର୍କା, ଈ ବର୍ସିଲୟ ଗିଲିୟଦ ବର୍ସିଲୟତି ମା଼ଙ୍ଗାନି ବୀହା ଆ଼ତାକି ଏ଼ଦାନି ଦ଼ରୁ ତଲେ ୱେ଼ଙ୍ଗାମାଚେ। ଈୱାରି କୂଡ଼ାତି ଲେକା ତଲେ ଏଜିକିତି ଲ଼କୁ ବିତ୍ରା ତାମି କୂଡ଼ାତି ଆ଼କୁ ପାରିତେରି, ସାମା ବେଟାଆ଼ଆତେରି; ଏ଼ଦାଆଁତାକି ଏ଼ୱାରି ଲାଗେଏତାରି ଇଞ୍ଜିଁ ଏଜିକିୱି ଆ଼ହାଁ ପୂଜେରା ପା଼ଣାଟି ହେକ ଆ଼ତେରି। ଇଞ୍ଜାଁ ସା଼ଲୱି କିନାସି ଏ଼ୱାରାଇଁ ଏଲେଇଚେସି, ଉରିମ୍ ଅ଼ଡ଼େ ତୁମିମ୍1 ଆସାମାନି ପୂଜେରାଙ୍ଗା ୱା଼ଆ ପାତେକା ମୀରୁ ପୂଜେରା ବା଼ଗାତି ସୁଦୁ କା଼ଦି ତିନଅତେରି।
ଅ଼ଡ଼େ ବାରେ କୁଲମି ଦୁଇ କ଼ଡ଼ି ରୀ ମା଼ଣା ତୀନି ୱାଞ୍ଜା ତୀନି କ଼ଡ଼ି ଜା଼ଣା। ଏ଼ ବାରେ ପିସ୍ପେ ଏ଼ୱାରି ହ଼ଲିୟାଙ୍ଗା ହ଼ଲେଣିସିକା ସା଼ତା ମା଼ଣା ତୀନି ୱାଞ୍ଜା କଡ଼େ ସତର ଜା଼ଣା ମାଚେରି; ଅ଼ଡ଼େ ଏ଼ୱାରି ପା଼ଚିନାରି ଅ଼ଡ଼େ ପା଼ଚିନାଇ ରୀ ୱାଞ୍ଜା ଦୁଇ କ଼ଡ଼ି ପା଼ସା ଜା଼ଣା ମାଚେରି।
ଏ଼ୱାରି ସା଼ତା ୱାଞ୍ଜା କଡ଼େ ସଦଗଟା ଗ଼ଡ଼ାୟାଁ; ରୀ ୱାଞ୍ଜା ଦୁଇ କ଼ଡ଼ି ପା଼ସାଗଟା ତାଲି ଗ଼ଡ଼ାୟାଁ; ସା଼ରି ୱାଞ୍ଜା କଡ଼େ ପନ୍ଦର ଊଟୁୟାଁ; ସ଼ମା଼ଣା ସା଼ତା ୱାଞ୍ଜା କଡ଼େ ଗା଼ଡ଼୍ଦେୟାଁ ମାଚୁ। ଇଞ୍ଜାଁ ତାଞ୍ଜି କୂଡ଼ାତି କାଜାରି ବିତ୍ରାଟି ଆମ୍ବା ଆମ୍ବାଆରି ଏ଼ କାମା ତାକି ଦା଼ନା କିତେରି। ସା଼ଲୱି କିନାରି ଗା଼ଦେୟିତା ଡାରିକ୍2 ଦ଼ରୁତି ର଼ ମା଼ଣା ବାଂଗାରା ଟାକାୟାଁ, ଦୁଇ କ଼ଡ଼ି ଦସ ସ଼ଲାୟାଁ, ପା଼ସା ୱାଞ୍ଜା କଡ଼େ ଦସ ପୂଜେରା ସକାୟାଁ ହୀତେରି। ଅ଼ଡ଼େ ତାଞ୍ଜି କୂଡ଼ାତି ଏଚେକା କାଜା ଲ଼କୁ ଜାହାରା ଗା଼ଦେୟିଟି ଡାରିକ୍ ଦ଼ରୁତି କଡ଼େ ମା଼ଣା ବାଂଗାରା ଟାକାୟାଁ ଅ଼ଡ଼େ ରୀ ମା଼ଣା ରୀ ୱାଞ୍ଜା ପାୱୁଣ୍ତ୍3 ୱେଣ୍ତି କାମା ତାକି ହୀତେରି। ଏଟ୍କାତି ଲ଼କୁ ଡାରିକ୍ ଦ଼ରୁତି କଡ଼େ ମା଼ଣା ବାଂଗାରା ଟାକାୟାଁ ରୀ ମା଼ଣା ପାୱୁଣ୍ତ୍4 ୱେଣ୍ତି ଅ଼ଡ଼େ ତୀନି କ଼ଡ଼ି ସା଼ତା ଜ଼ଡ଼ୁ ପୂଜେରା ହିମ୍ବରିକା ହୀତେରି। ଏ଼ ଡା଼ୟୁ ପୂଜେରାଙ୍ଗା, ଲେ଼ବିୟ ଲ଼କୁ, ଦୁୱେରିତା କା଼ଃନାରି ଅ଼ଡ଼େ ପା଼ଚିନାରି ଇଞ୍ଜାଁ ଏଚେକା ଲ଼କୁ ଅ଼ଡ଼େ ମାହାପୂରୁ ଇଲୁ ସେ଼ବା କିନାରି ଅ଼ଡ଼େ ବାରେ ଇସ୍ରାୟେଲ କୂଡ଼ା ଜାହା ଜାହାରା ଗା଼ଡ଼ାତା ବାସା କିତେରି। ଅ଼ଡ଼େ ସା଼ତା ଲେ଼ଞ୍ଜୁ ବେ଼ଲାତା ଇସ୍ରାୟେଲ ଲ଼କୁ ଜାହାରା ଗା଼ଡ଼ାତା ମାଚେରି।
Source notes (4)
- Footnote ଉରିମ୍ ଅ଼ଡ଼େ ତୁମିମ୍/ମାହାପୂରୁତି ଅଣ୍ପୁ ପୁଞ୍ଜାଲି ପୂଜେରାଙ୍ଗା ଲେ଼ମ୍ବିମାନି ର଼ ଆ଼ସ୍ତି
- Footnote ଡାରିକ୍/ଇଚିହିଁ ୮୫୦୦ କେ଼ଜି
- Footnote ରୀ ମା଼ଣା ରୀ ୱାଞ୍ଜା ପାୱୁଣ୍ତ୍/୧୨୦୦ କେ଼ଜି
- Footnote ରୀ ମା଼ଣା ପାୱୁଣ୍ତ୍/୧୧୦୦ କେ଼ଜି
Kuvi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.