Kuvi Bible
ଏଜ୍ରା 2
ବାବିଲଟି ୱେଣ୍ତାୱା଼ତି ଲେକା
(ନିହିଁ ୭:୪-୭୨)
ଆମିନିଗାଟାରି ବାବିଲତା ଅ଼ୱି ଆ଼ହାମାଚେରି, ଏ଼ୱାରି ବିତ୍ରାଟି ଦେ଼ସାତି ଈ ମୀର୍କା ବାରେ ଜିରୁସାଲମ ଅ଼ଡ଼େ ଜୀହୁଦାତି ଜାହାରା ଜାହାରା ଗା଼ଡ଼ାତା ୱେଣ୍ତା ୱା଼ତେରି; ବାବିଲତି ରାଜା ନବକୁଦ୍ନିସ୍ଚର ଈୱାରାଇଁ ବାବିଲତା ଅ଼ହାମାଚେସି। ଏ଼ୱାରି ଜିରୁବାବିଲ୍, ଜେସୁୟ, ନିହିଁମିୟା ସରାୟ, ରିୟେଲାୟ, ମର୍ଦକୟ, ବିଲ୍ସନ୍, ମିସ୍ପର, ବିଗ୍ବୟ, ରହୁମ୍ ଅ଼ଡ଼େ ବାନା ତଲେ ୱେଣ୍ତା ୱା଼ତେରି। ଇସ୍ରାୟେଲ କୂଡ଼ାତି ଆ଼ବାୟାଁତି ଲେକା ଈଦି,
ପରିୟସ ମୀର୍କା ରୀ ମା଼ଣା ର଼ ୱାଞ୍ଜା ତୀନି କ଼ଡ଼ି ବା଼ର ଜା଼ଣା।
ସପଟିୟ ମୀର୍କା ତୀନି ୱାଞ୍ଜା ତୀନି କ଼ଡ଼ି ବା଼ର ଜା଼ଣା।
ଆରହ ମୀର୍କା ସା଼ତା ୱାଞ୍ଜା ତୀନି କ଼ଡ଼ି ପନ୍ଦର ଜା଼ଣା।
ଜେସୁୟ ଅ଼ଡ଼େ ଜୟାବ ମୀର୍କା ବିତ୍ରାଟି ପହତ୍-ମୟାବ ମୀର୍କା ରୀ ମା଼ଣା ଆ଼ଟା ୱାଞ୍ଜା ବା଼ର ଜା଼ଣା।
ଏଲମ୍ ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସଦ ଜା଼ଣା।
ସତୁ ମୀର୍କା ନ଼ ୱାଞ୍ଜା ଦୁଇ କ଼ଡ଼ି ପା଼ସା ଜା଼ଣା।
ସକ୍କୟ ମୀର୍କା ସା଼ତା ୱାଞ୍ଜା ତୀନିକ଼ଡ଼ି ଜା଼ଣା।
ବାନି ମୀର୍କା ସ଼ୱାଞ୍ଜା ଦୁଇ କ଼ଡ଼ି ରିଆରି।
ବେବୟ ମୀର୍କା ସ଼ୱାଞ୍ଜା କଡ଼େ ତୀନି ଜା଼ଣା।
ଅସ୍ଗଦ ମୀର୍କା ର଼ ମା଼ଣା ରୀ ୱାଞ୍ଜା କଡ଼େ ରିଆରି।
ଅଦନିକାମ ମୀର୍କା ସ଼ୱାଞ୍ଜା ତୀନିକ଼ଡ଼ି ସ଼ଜା଼ଣା।
ବିଗ୍ବୟ ମୀର୍କା ରୀ ମା଼ଣା ଦୁଇ କ଼ଡ଼ି ସ଼ଡ଼ ଜା଼ଣା।
ଆଦିନ ମୀର୍କା ସା଼ରି ୱାଞ୍ଜା ଦୁଇ କ଼ଡ଼ି ସଦ ଜା଼ଣା।
ହିଜକିୟ କୂଡ଼ାତା ଜାର୍ନା ଆ଼ତି ଆଟେର ମୀର୍କା ସା଼ରି କ଼ଡ଼ି ଅଟର ଜା଼ଣା।
ବେତ୍ସୟ ମୀର୍କା ତୀନି ୱାଞ୍ଜା କଡ଼େ ତୀନି ଜା଼ଣା।
ଜରାହ ମୀର୍କା ର଼ ୱାଞ୍ଜା ବା଼ର ଜା଼ଣା।
ହସୁମ ମୀର୍କା ରୀ ୱାଞ୍ଜା କଡ଼େ ତୀନି ଜା଼ଣା।
ଗିବ୍ବର ମୀର୍କା ସା଼ରିକ଼ଡ଼ି ପନ୍ଦର ଜା଼ଣା।
ଏମିନି ଲ଼କୁତି ଆକୁୟାଁ ଈ ଗା଼ଡ଼ାୟାଁଣା ବାସା କିହାମାଚେରି ଏ଼ୱାରି ଜିକେଏ ୱେଣ୍ତା ୱା଼ତେରି।
ବେତଲିହିମ ମୀର୍କା ର଼ ୱାଞ୍ଜା କଡ଼େ ତୀନି ଜା଼ଣା।
ନଟପା ମୀର୍କା ଦୁଇ କ଼ଡ଼ି ସ଼ଡ଼ ଜା଼ଣା।
ଅନାତତ୍ ଲ଼କୁ ର଼ ୱାଞ୍ଜା କଡ଼େ ଆ଼ଟା ଜା଼ଣା।
ଅସ୍ମାବତ୍ ମୀର୍କା ଦୁଇ କ଼ଡ଼ି ରିଆରି।
କିରିୟତ୍ ଜିୟାରିମ୍1 ଅ଼ଡ଼େ କପିରା ଅ଼ଡ଼େ ବେରତ ମୀର୍କା ସା଼ତା ୱାଞ୍ଜା ଦୁଇ କ଼ଡ଼ି ତୀନି ଜା଼ଣା।
ରାମା ଅ଼ଡ଼େ ଗେବାତି ମୀର୍କା ସ଼ୱାଞ୍ଜା କଡ଼େ ରଅସି।
ମିକ୍ମସ ଲ଼କୁ ର଼ ୱାଞ୍ଜା କଡ଼େ ରିଆରି।
ବେତେଲ୍ ଅ଼ଡ଼େ ଅୟତି ମୀର୍କା ରୀ ୱାଞ୍ଜା କଡ଼େ ତୀନି ଜା଼ଣା।
ନବତି ମୀର୍କା ଦୁଇ କ଼ଡ଼ି ବା଼ର ଜା଼ଣା।
ମଗ୍ବିସ ମୀର୍କା ର଼ ୱାଞ୍ଜା ଦୁଇ କ଼ଡ଼ି ସ଼ଡ଼ ଜା଼ଣା।
ଏଟ୍କାତି ଏଲମ୍ ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସଦ ଜା଼ଣା।
ହାରିମ ମୀର୍କା ତୀନି ୱାଞ୍ଜା କଡ଼େ ଜା଼ଣା।
ଲଦ୍ ଅ଼ଡ଼େ ହାଦିଦ୍ ଅ଼ଡ଼େ ଅନ ମୀର୍କା ସା଼ତା ୱାଞ୍ଜା କଡ଼େ ପା଼ସା ଜା଼ଣା।
ଜିରିହତି ମୀର୍କା ତୀନି ୱାଞ୍ଜା ଦୁଇ କ଼ଡ଼ି ପା଼ସା ଜା଼ଣା।
ସନାୟା ମୀର୍କା ତୀନି ମା଼ଣା ସ଼ୱାଞ୍ଜା କଡ଼େ ଦସ ଜା଼ଣା।
ପୂଜେରାଙ୍ଗା ଲେକା;
ଜେସୁୟ କୂଡ଼ାତି ଜିଦୟିୟ ମୀର୍କା ନ଼ ୱାଞ୍ଜା ତୀନିକ଼ଡ଼ି ତେ଼ର ଜା଼ଣା।
ଇମ୍ମେର ମୀର୍କା ର଼ ମା଼ଣା ଦୁଇ କ଼ଡ଼ି ବା଼ର ଜା଼ଣା।
ପସ୍ହୁର ମୀର୍କା ର଼ ମା଼ଣା ରୀ ୱାଞ୍ଜା ଦୁଇ କ଼ଡ଼ି ସା଼ତା ଜା଼ଣା।
ହାରିମ ମୀର୍କା ର଼ ମା଼ଣା ସତର ଜା଼ଣା।
ଲେ଼ବିୟ ଲ଼କୁତି ଲେକା;
ହଦବିୟ ମୀର୍କା ବିତ୍ରାଟି ଜେସୁୟ ଅ଼ଡ଼େ କଦ୍ମିୟେଲ ମୀର୍କା ତୀନିକ଼ଡ଼ି ସଦ ଜା଼ଣା।
ପା଼ଚିନାରା ଲେକା; ଆସପ ମୀର୍କା ର଼ ୱାଞ୍ଜା କଡ଼େ ଆ଼ଟା ଜା଼ଣା।
ଦୁୱେରିତା କା଼ଃନାରି ମୀର୍କାତି ଲେକା; ସଲୁମ୍ ମୀର୍କା, ଆଟେର ମୀର୍କା, ଟଲ୍ମନ ମୀର୍କା, ଅକ୍କୁବ ମୀର୍କା, ହଟିଟା ମୀର୍କା, ସବୟ ମୀର୍କା, ବାରେ ର଼ ୱାଞ୍ଜା କଡ଼େ ଅଣେସି ଜା଼ଣା।
ନତିନିୟ2 ଲ଼କୁ; ସିହ ମୀର୍କା, ହସୁପା ମୀର୍କା, ଟବ୍ବାୟତ ମୀର୍କା;
କରସ ମୀର୍କା, ସିୟ ମୀର୍କା, ପାଦନ ମୀର୍କା;
ଲବାନା ମୀର୍କା, ହଗାବ ମୀର୍କା, ଅକ୍କୁବ ମୀର୍କା;
ହାଗାବ ମୀର୍କା, ସମ୍ଲୟ ମୀର୍କା, ହାନନ୍ ମୀର୍କା;
ଗିଦେଲ ମୀର୍କା, ଗହର ମୀର୍କା, ରାୟା ମୀର୍କା;
ରତ୍ସିନ ମୀର୍କା, ନକଦ ମୀର୍କା, ଗସମ ମୀର୍କା;
ଉସ ମୀର୍କା, ପାସେହ ମୀର୍କା, ବେସୟ ମୀର୍କା;
ଅସ୍ନା ମୀର୍କା, ମିୟୁନିମ ମୀର୍କା, ନପିସିମ ମୀର୍କା;
ବକ୍ବୁକ ମୀର୍କା, ହକୁପା ମୀର୍କା, ହର୍ହୁର ମୀର୍କା;
ବସ୍ଲୁତ ମୀର୍କା, ମହିଦା ମୀର୍କା, ହର୍ସା ମୀର୍କା;
ବର୍କସ ମୀର୍କା, ସିସରା ମୀର୍କା, ତେମହ ମୀର୍କା;
ନତ୍ସିହ ମୀର୍କା, ହଟିପା ମୀର୍କା।
ସଲମନତି ହ଼ଲିୟାଙ୍ଗାତି ମୀର୍କା;
ସଟୟ ମୀର୍କା, ହସପେରତ ମୀର୍କା, ପରୁଦା ମୀର୍କା;
ଜାଲା ମୀର୍କା, ଦର୍କଣ ମୀର୍କା, ଗିଦେଲ ମୀର୍କା;
ସପଟିୟ ମୀର୍କା, ହଟିଲା ମୀର୍କା, ପକେରତ୍-ହତ୍ସବାୟିମ ମୀର୍କା, ଆମି ମୀର୍କା।
ନତିନିୟ3 ଲ଼କୁ ଅ଼ଡ଼େ ସଲମନତି ହ଼ଲିୟାଙ୍ଗା ମୀର୍କା ବାରେ ତୀନି ୱାଞ୍ଜା ସା଼ରି କ଼ଡ଼ି ବା଼ର ଜା଼ଣା।
ଇଞ୍ଜାଁ ତେଲ୍-ମେଲହ, ତେଲ୍-ହର୍ସା, କରୁବ୍, ଅଦ୍ଦନ ଅ଼ଡ଼େ ଇମ୍ମେର, ଈ ବାରେ ଟା଼ୟୁଟି ଲ଼କୁ ୱା଼ତେରି, ସାମା ଏ଼ୱାରି ଇସ୍ରାୟେଲ ଲ଼କୁ ଇଞ୍ଜିଁ ତାମି ତାଞ୍ଜିତି କୂଡ଼ା ଅ଼ଡ଼େ ଗଚିତି ପାର୍ମାଣା ହୀହାଲି ଆ଼ଡାଆତେରି; ଈୱାରି ଏ଼ ଲ଼କୁ, ଦଲୟିୟ ମୀର୍କା, ଟବିୟ ମୀର୍କା, ନକଦ ମୀର୍କା, ସ଼ୱାଞ୍ଜା ଦୁଇ କ଼ଡ଼ି ବା଼ର ଜା଼ଣା।
ପୂଜେରାଙ୍ଗା ମୀର୍କା ବିତ୍ରାଟି ହବାୟ ମୀର୍କା, ହକସ୍ ମୀର୍କା, ବର୍ସିଲୟ ମୀର୍କା, ଈ ବର୍ସିଲୟ ଗିଲିୟଦିୟ ବର୍ସିଲୟତି ର଼ ମା଼ଙ୍ଗାନି ବୀହା ଆ଼ତାକି ତାନି ଦ଼ରୁ ତଲେ ୱେ଼ଙ୍ଗାମାଚେସି। ଈୱାରି କୂଡ଼ାତି ଲେକା ତଲେ ଏଜିକିତି ଲ଼କୁ ବିତ୍ରା ତାମି କୂଡ଼ାତି ଆକୁୟାଁତି ଆ଼କୁ ପାରିତେରି, ସାମା ବେଟାଆ଼ଆତେରି; ଏ଼ଦାଆଁତାକି ଈୱାରି ଲାଗେଏତି ତା଼ଣା ଲେକା କିୱିଆ଼ହାଁ ପୂଜେରା ପା଼ଣାଟି ହେକ କିୱି ଆ଼ତେରି। ଇଞ୍ଜାଁ ସା଼ଲୱି କିନାସି ଏ଼ୱାରାଇଁ ଏଲେଇଚେସି, ଉରିମ୍ ଅ଼ଡ଼େ ତୁମିମ୍4 ଆହ୍ନି ଏମିନି ପୂଜେରା ୱା଼ଅସି ଏଚେ଼ପାତେକା ଏ଼ନି ସୁଦୁ ଆ଼ସ୍ତି ତିନଅରି।
ଅ଼ଡ଼େ ରୁଣ୍ତା ଆ଼ହାମାଚି ବାରେ କୁଲମି ଦୁଇ କ଼ଡ଼ି ରୀ ମା଼ଣା ତୀନି ୱାଞ୍ଜା ତୀନି କ଼ଡ଼ି ଜା଼ଣା ମାଚେରି।
ଈ ବାରେ ପିସ୍ପେ ଏ଼ୱାରି ହ଼ଲିୟାଙ୍ଗା ହ଼ଲେଣିସିକା ସା଼ତା ମା଼ଣା ତୀନି ୱାଞ୍ଜା କଡ଼େ ସତର ଜା଼ଣା ମାଚେରି।
ଅ଼ଡ଼େ ଏ଼ୱାରି ରୀ ୱାଞ୍ଜା ପା଼ଚିନାରି ଅ଼ଡ଼େ ପା଼ଚିନାଇ ମାଚୁ।
ଏ଼ୱାରି ସା଼ତା ୱାଞ୍ଜା କଡ଼େ ସ଼ଡ଼ ଗ଼ଡ଼ାୟାଁ;
ରୀ ୱାଞ୍ଜା ଦୁଇ କ଼ଡ଼ି ପା଼ସା ତାଲି ଗ଼ଡ଼ାୟାଁ;
ସା଼ରି ୱାଞ୍ଜା କଡ଼େ ପନ୍ଦର ଊଟୁୟାଁ;
ସ଼ମା଼ଣା ସା଼ତା ୱାଞ୍ଜା କଡ଼େଗଟା ଗା଼ଡ଼୍ଦେୟାଁ ମାଚୁ।
ଏଚେଟିଏ ତାଞ୍ଜି କୂଡ଼ାତି ଏଚେକା କାଜାରି ପ୍ରବୁତି ଜିରୁସାଲମତି ମାହାପୂରୁ ଇଲୁତା ହାଜାଲିଏ, ମାହାପୂରୁତି ଏ଼ ଇଲୁ ତାନି ଟା଼ୟୁତା ତିୟାରା କିହାଲି ତାକି ଜାହାରା ମ଼ନ ତଲେ ଦା଼ନା କିତେରି। ଏ଼ୱାରି ଜାହାରା ଜାହାରା ବା଼ଡ଼୍ୟୁ ତଲେ ଏ଼ କାମାତି ଗା଼ଦେୟିତା ତୀନି କ଼ଡ଼ି ର଼ ମା଼ଣା ଡ୍ରାକ୍ମା5 ବାଂଗାରା ଟାକାୟାଁ ଅ଼ଡ଼େ ପା଼ସା ମା଼ଣା ପାୱୁଣ୍ତ୍ ୱେଣ୍ତି6 ଅ଼ଡ଼େ ପୂଜେରାଙ୍ଗାକି ର଼ ୱାଞ୍ଜା ହିମ୍ବରିକା ହୀତେରି।
ଇଞ୍ଜାଁ ପୂଜେରାଙ୍ଗା ଅ଼ଡ଼େ ଲେ଼ବିୟ ଲ଼କୁ ଅ଼ଡ଼େ ଲ଼କୁ ବିତ୍ରାଟି ଏଚେକା, ଇଞ୍ଜାଁ ପା଼ଚିନାରି, ଦୁୱେରିତା କା଼ଃନାରି, ମାହାପୂରୁ ଇଲୁତା କାମା କିନି ଲ଼କୁ, ଜାହାରା ଜାହା ଗା଼ଡ଼ାତା ଅ଼ଡ଼େ ବାରେ ଇସ୍ରାୟେଲ ଜାହା ଜାହାରା ଗା଼ଡ଼ାତା ବାସା କିତେରି।
Source notes (6)
- Footnote କିରିୟତ୍ ୟାରିମ୍
- Footnote ନତିନିୟ/ମାହାପୂରୁ ଇଲୁତା ସେ଼ବା କିନାରି
- Footnote ନତିନିୟ/ମାହାପୂରୁ ଇଲୁତା ସେ଼ବା କିନାରି
- Footnote ଉରିମ୍ ଅ଼ଡ଼େ ତୁମିମ୍/ମାହାପୂରୁ ଅଣ୍ପୁତି ପୁଞ୍ଜାଲି ତାକି ପୂଜେରା ଲେ଼ମ୍ବିମାଚି ର଼ ଦିଣ୍ସୁ
- Footnote ଗ୍ରିସ୍ ଦେ଼ସାତି ବ଼ଜୁ ୫୦୦ କେ଼ଜି
- Footnote ଗ୍ରିସ୍ ଦେ଼ସାତି ବ଼ଜୁ ୨୮୦୦ କେ଼ଜି ୱେଣ୍ତି
Kuvi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.