Skip to content
BibleKenya

Jathapu Bible

ఎజ్రా 5

హగ్గయి ప్రవక్త, ఇద్దో మీరెఎసి ప్రవక్తఆతి జెకర్యా, యూదా దేసత, యెరుసలేముత మన్ని యూదుయఁకి ఇస్రయేలు మహపురుఆతి యెహోవ దోరుత వేక్హెరి. సయల్తీయేలు మీరెఎసి జెరుబ్బాబెలు, యోజాదాకి మీరెఎసి యేసూవ రిఅరి హజ్జహఁ యెరుసలేముత మహపురు గుడితి దొస్సలిఆరొమికిత్తెరి. మహపురు ప్రవక్తయఁ ఏవరితొల్లె మంజహఁ ఏవరకి సాయొమికిహిమచ్చెరి. ఎచ్చెటిఎ నది ఇత్తల హుక్కొమిగట్టరిఆహఁ మన్ని తత్తెనై, సెతర్బోజ్నయి, ఏవరితొల్లె కొచ్చెకజాణ, యూదుయఁ దరివాతెరి. ఏవరి “ మహపురుగుడితి దొస్సలితక్కి, కోడ్డయఁ దొస్సలితక్కి, మింగె అంబఅరి ఆడ్ర హియ్యతెరి?” ఇంజిహిఁ కొస్నికిత్తెరి. ఏదఅఁతి దొసినరి దోర్క, వేరెఎ కత్తయఁ జికెల వెచ్చెరి. ఇచ్చిహిఁ యూదుయఁ మహపురు ఏవరి తొల్లె తోడుఆహఁ మచ్చెసి ఇంజహఁ ఈ కత్తత హుక్కొమిగట్టసిఆతి దర్యావేసుటి దొస్సలితక్కి హాడ్డవాని పత్తెక హుక్కొమిగట్టరి దొస్సిమన్ని కమ్మతి ఆంగఅతెరి. నది ఇత్తల హుక్కొమిగట్టరిఆతి తత్తెనై, సెతర్బోజ్నయి, ఏవరితొల్లె మన్ని హుక్కొమిగట్టరి దర్యావేసుకి పండితి ఉత్రొమిక నకియఁ ఆతి ఉత్రొమి. “రజ్జఆతి దర్యావేసుకి నెహిఁకి బత్కిపెసిదెహెఁ. రజ్జఆతి మీరు పున్నయి ఏనఅఇచ్చిహిఁ, మాంబు మహపురు గుడిత యూదుయఁ టాయుత హచ్చొమి. ఏదఅఁతి కజ్జ కజ్జ వల్కాతొల్లె దొస్సిమన్నెరి. కోడ్డయఁ మద్ది తంబొమి దొస్సినెరి. ఈ బేగి పూర్తిఆహిమన్నె. ‘ఈ గుడితి దొస్సలితక్కి, కోడ్డయఁ దొస్సలితక్కి మింగె అంబయి ఆడ్ర హియ్యతెరి?’ ఇంజిహిఁ ఎంబఅఁ మన్ని కజ్జరఇఁ మాంబు వెచ్చొమి. మింగె పుఁణ్బికియ్యతక్కి హావుఁత ఆహఁ కమ్మ కివికిహిమన్ని హుక్కొమిగట్టరి దోర్క రాచ్చహఁ హియ్యదు ఇంజిహిఁ రీస్తొమి. ఏదఅఁతక్కి ఏవరి ఇల్లెకి జబాబుహియ్యతెరి, హాగు బూమితక్కి మహపురు సేబగట్టతొమి. హారెఎ బర్సయఁ ఆతి డాయు ఇస్రయేలుత రో గొప్ప రజ్జ దొస్తికిహఁ పూర్తికిత్తి గుడి మాంబు వెండె దొస్సీనొమి. మా పూర్బెతరి లెక్కొపురుత మన్ని మహపురుకి కోపకియ్యలెఎ ఏవసి ఏవరఇఁ కల్దీయుతసిఆతి బబులోను రజ్జ నెబుకద్నెజరు కెయ్యుత హెర్పితెసి. ఏవసి ఈ గుడితి తొర్కహఁ లోకుతి బబులోను దేసతక్కి దొస్పఓతెసి. ఇచ్చిహిఁ బబులోను రజ్జ కోరెసు తని తొల్లితి బర్సత మహపురు గుడితి వెండె దొస్సలితక్కి హెల్లొహిత్తెసి. ఎచ్చెకెదెఆఅన నెబుకద్నెజరు యెరుసలేముత మహపురుగుడిటి ఓహఁ బబులోను గుడిత ఇట్టితి వెండి బఙర హర్కుతి రజ్జఆతి కోరెసు ఏ గుడిటి తప్పికిత్తెసి. సెస్బజ్జరుఇఁ హుక్కొమిగట్టసి నిప్హిఁ మహపురు గుడితి ఏది మన్ని టాయుత దొస్పికిహఁ, ఏ హర్కుతి ఓహిఁ హజ్జహఁ యెరుసలేము గాడత మహపురు గుడిత ఇట్కిని బారెతొల్లె కమ్మకిమ్ము ఇంజిహిఁ ఏవణకి హెర్పితెసి. ఇంజహఁ సెస్బజ్జరు వాహఁ యెరుసలేముత మహపురు గుడితక్కి కంద కార్వికిత్తెసి. ఎంబటిఎ నీఎఁ పత్తెక దొస్సీమన్నొమి. సమ్మ కమ్మ నీఎఁ పత్తెక పూర్తిఆఅతె. ఇంజహఁ మా రజ్జఆతి నింగెకి ఇచ్చమచ్చిహిఁ బబులోను గాడత మన్ని రజ్జకి పాడఆతఅ దొన్నొతి పర్రికిహఁ, యెరుసలేముత మన్ని మహపురు గుడితి దొస్పికియ్యలివల్లె ఇంజిహిఁ కోరెసు రజ్జ దొస్పలితక్కి ఒణ్పితెసికి ఆఎ పుంజలి ఆడ్డనయి. ఎచ్చెటిఎ చక్రవర్తి ఈ కత్తత తని ఒణ్పుతి పుఁణ్బికియ్యలివల్లె ఇంజిహిఁ కోరింమంజినొమి.”

Jathapu Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.