Koya Bible
ଦାନିୟେଲ୍ 1
ଦାନିୟେଲ୍ ନୁ ତାମ୍ସାଙ୍ଗନଡ଼୍ ୱେଷଡ଼୍
(ଦାନିୟେଲ୍ ୧:୧-୬; ୮)
ଦାନିୟେଲ୍ ବାବିଲନ୍ତା ଆତ୍ତଣ୍ଡ୍
ଯିହୁଦାତେ ରାଜାଲ୍ ଯିହୋୟାକିମର୍ତେ ଶାସନ ତୃତୀୟ ୱାଡ଼୍ସେତେ ବାବିଲ୍ତେ ରାଜା ନବୂକଦ୍ନିତ୍ସତେ ଯିରୁଶାଲେମ୍ତେ ପର ଆକ୍ରମନ୍ ମାଡ଼ି ନଗରତିଙ୍କ୍ ତିଡ଼୍ପାକେ ଗେରାମାଡ଼୍ତଣ୍ଡ। ମେଣ୍ଡେ, ପ୍ରବୁ ଯିହୁଦାତେ ରାଜା ଯିହୋୟାକିମର୍ତିଙ୍କ୍ ନୁ ପରମେଶ୍ୱର୍ତେ ଲତ୍ତେ ବେସ୍କ୍ ଜିନିଷ୍ ତାନ୍ କାଇଦାଗ୍ ଇତ୍ତଡ଼୍; ଆସୁଙ୍କ୍ ଅଣ୍ଡ୍ ଶିନିୟର୍ ଦେଶ୍ତେ ନିଜେତ୍ ଦେୟାକିନ୍ ଲକିନାଗ୍ ୱାଟ୍ତଣ୍ଡ୍।
(୨ୟ ବଂଶାବଲି ୩୬:୭ )
ମେଣ୍ଡେ, ପ୍ରବୁ ଯିହୁଦାତେ ରାଜାଲ୍ ଯିହୋୟାକିମ୍ତିଙ୍କ୍ ନୁ ପରମେଶ୍ୱର୍ତେ ଲୋତ୍ତେ ବେସ୍କ୍ ଜିନିଷ୍ ତାନ୍ କାଇଦେ ଇତ୍ତଣ୍ଡ୍; ଆଗାଙ୍କ୍ ଅଣ୍ଡ୍ ଶିନୀୟର୍ ଦେଶ୍ତା ମାନ୍ଦାନ୍ ନିଜେତ୍ ଦେବ ମନ୍ଦିର୍ତା ଆୱୁସାରେ ଅତ୍ତନ୍ ନୁ ଜିନିଷ୍କିଙ୍କ୍ ସାରେ ଅଣ୍ଡ୍ ତାନ୍ ଦେୟାକ୍ ମାନ୍ଦାନ୍ ଲନ୍ ନେଃତ୍ତଣ୍ଡ୍।
ମେଣ୍ଡେ, ରାଜାଲ୍ ଇସ୍ରାଏଲ୍ତେ ପିଲାକିନାଗାଙ୍କ୍, ଇତ୍କେ, ରାଜ୍କୀୟ ନୁ କୁଲିନ ପିଲୁଡ଼୍ତାଗାଙ୍କ୍ ନିକୁଣ, ସୁନ୍ଦର୍ ନୁ ସାରେ ଜ୍ଞାନ୍ତେ ପୁଞ୍ଜ୍ମାତ୍ତଣ୍ଡ୍, ପାଟ୍ତାଗ୍ ନାର୍ଗେ, ବୁଦ୍ଦିତାଗ୍ ନାର୍ଗେ ନୁ ରାଜ୍ପ୍ରାସାଦ୍ତାଗ୍ ନିତାନଙ୍କ୍ ପାର୍ତଡ଼୍ ବେସ୍ତୁଡ଼୍ ଲେୟଡ଼୍କିଂଙ୍କ୍ ତାତାନଙ୍କ୍ ନୁ ବାବିଲନ୍ତେ ପାଟ୍ ନୁ ଗଟି ନାଡ଼୍ସ୍ପାନଙ୍କ୍ ନିଜେତେ ନପୁଂସକାଦିପତି ଅସ୍ପନସ୍ତିଙ୍କ୍ କେତ୍ତଣ୍ଡ୍। ମେଣ୍ଡେ, ଅଡ଼୍ ବେଲାନ୍ ମୁଣ୍ଡ୍ ୱାଡ଼୍ସାନ୍ ପେର୍କେ ରାଜାନ୍ ପାକେ ନିତ୍ତଡ଼୍, ଆଦିନ୍ ସେଙ୍ଗେ ରାଜାଲ୍ ଅଡ଼୍ସେଙ୍ଗେ ରାଜାନ୍ ତିନ୍ଦାନ୍ କାଦିତାଗାଙ୍କ୍ ନୁ ଏର୍ ଦ୍ରାକ୍ଷାରସ୍ତାଗାଙ୍କ୍ ନିତାଲ୍ତେ ଜିନିଷ୍ ଇଦାନଙ୍କ୍ ନୁ ମୁଣ୍ଡ୍ ୱାଡ଼୍ଷା ଯାକ ଅଡ଼୍ ପଡ଼୍ପାନ୍ ମାଇଦିଙ୍କ୍ ତିଆର୍ ମାଡ଼୍ତଣ୍ଡ୍। ଇଡ଼ାଗ୍ ଯିହୁଦା ପିଲୁତଣ୍ଡ୍ ଦାନିୟେଲ୍, ହନାନୀୟ, ମୀଶାୟେଲ୍ ନୁ ଅସରୀୟ ମାତ୍ତଡ଼୍। ମେଣ୍ଡେ, ନପୁଂସକାଦିପତି ଅଡ଼୍କିଂଙ୍କ୍ ପେଦେର୍ ଇତ୍ତଣ୍ଡ୍; ଅଣ୍ଡ୍ ଦାନିୟେଲ୍ତିଙ୍କ୍ ବେଲ୍ଟଶତ୍ସତେ, ହନାନୀୟଙ୍କ୍ ଶଦ୍ରକ୍, ମୀଶାୟେଲଙ୍କ୍ ମୈଶକ୍ ନୁ ଅସରୀୟଙ୍କ୍ ଅବେଦ୍ନଗୋ ପେଦେର୍ ଇତ୍ତଣ୍ଡ୍।
ଦାନିୟେଲ୍ତେ ବିଶ୍ୱାସ
ମାତର୍ ରାଜାନ୍ ତିନ୍ଦାନ୍ କାଦିତାଗ୍ ନୁ ଅନ୍ ଉନ୍ଦାନ୍ ଦ୍ରାକ୍ଷାରସ୍ତାଗ୍ ନିଜେତିଙ୍କ୍ ଅଶୁଚି ମାଡ଼୍ୱାଙ୍କ୍ ଦାନିୟେଲ୍ ନିଜେତ୍ ମାନ୍ତାଗ୍ ହେର୍କେ ମାଡ଼୍ତଣ୍ଡ୍; ଆଦିଙ୍କ୍ ଅଣ୍ଡ୍ ବେଲାନ୍ ନିଜେତିଙ୍କ୍ ଅଶୁଚି ମାଡ଼ଣ୍ଡ୍, ଆଦିନ୍ ସେଙ୍ଗେ ଅଣ୍ଡ୍ ନପୁଂସକାଦିପତିଙ୍କ୍ କାର୍ଙ୍ଗତଣ୍ଡ୍। ଆସୁଙ୍କ୍ ପରମେଶ୍ୱର୍ ଆ ନପୁଂସକାଦିପତିନ୍ କଣ୍ଡେତେ ଦାନିୟେଲ୍ତିଙ୍କ୍ ଅନୁଗ୍ରହ ନୁ ଦୟାତେ ପାତ୍ର ମାଡ଼୍ତଣ୍ଡ୍। ଆସୁଙ୍କ୍ ନପୁଂସକାଦିପତି ଦାନିୟେଲ୍ତିଙ୍କ୍ କେତ୍ତନ୍, ଯେ ମିଇକାଦି ନୁ ହେର୍ ମାନ୍ଦାନ୍ କୁଣ୍ଡେ ତିଆର୍ ମାଡ଼ିମିନ୍ଦେଡ଼୍, ନାନେ ନା ପ୍ରବୁ ଆ ମହାରାଜାଙ୍କ୍ ୱେର୍ତାନ୍; ବାତେଙ୍କ୍ଇତ୍କେ ଅଣ୍ଡ୍ ମିଇ ସାରେବୟସ୍ତେ ଲେୟଡ଼୍ ମକମ୍ କେପି ମିୟାଦ୍ ମକମ୍ ବାତେଙ୍କ୍ କାଇଲ୍ତାୱୁ ଉଡ଼ିତିଡ଼୍ ? ଆଲେକେ, ମିଡ଼୍ ରାଜାନ୍ ପାକେ ନାୟାଦ୍ ତାଲେତିଙ୍କ୍ କୟିତିଡ଼୍।
ଆସୁଙ୍କ୍ ନପୁଂସକାଦିପତି ଦାନିୟେଲ୍, ହନାନୀୟ, ମୀଶାୟେଲ୍ ନୁ ଅସରୀୟନ୍ ପରୁ ବେନ୍ ଲୋତ୍ତେ ମାଲିକ୍ତିଙ୍କ୍ ହେଞ୍ଚିମାତ୍ତଣ୍ଡ୍, ଅଙ୍କ୍ ଦାନିୟେଲ୍ କେତ୍ତଣ୍ଡ୍; ଅନୁଗ୍ରହ ମାଡ଼ି ନିଜେତ୍ ଦାସନଡ଼୍କ୍ ଦଶ୍ଦିନ୍ ପରିକ୍ଷା ମାଡ଼ାଟ୍; ମାକିଙ୍କ୍ ତିନ୍ଦାନଙ୍କ୍ କାଦି ନୁ ଉନ୍ଦାନଙ୍କ୍ ଏର୍ ଇୱିଡ଼୍। ନିଜେତ୍ ମୁନେ ମାୟାଦ୍ ମକମ୍ ନୁ ରାଜ୍କୀୟ ଜାଗାତାଗ୍ ତିନ୍ଦାନଡ଼୍ ଲେୟଡ଼୍ ମକମ୍ ତନ୍ଦି; ଆସୁଙ୍କ୍ ନିଜେ ବେଲାନ୍ ଉଡ଼ାନାଦ୍, ଆଦ୍ଲେକାମ୍ ନିଜେତ୍ ଦାସନଡ଼୍ ପର ବ୍ୟବହାର୍ ମାଡ଼ାଟ୍।
ଆସୁଙ୍କ୍ ଅଣ୍ଡ୍ ଆଦ୍ ବିଷୟ୍ତେ ଅଡ଼୍ ଗଟି ୱିଡ଼୍ସି ମିକା ଦଶ୍ଦିନ୍ ଯାକ ଅଡ଼୍କିଂଙ୍କ୍ ପରିକ୍ଷା ମାଡ଼୍ତଣ୍ଡ୍। ମେଣ୍ଡେ, ଦଶ୍ଦିନେତ୍ ପେର୍କେ ରାଜକୀୟ ଜାଗେତାଗ୍ ତିନ୍ଦାନ୍ନଡ଼୍ ସାରେ ଲେୟ୍ୟଡ଼୍ ମକମ୍ ଲେକାମ ଅଡ଼୍ ମକମ୍ ସୁନ୍ଦର୍ ତନ୍ଦ୍ତେ ନୁ ଅଡ଼୍ ଅଦିକ୍ ମେନ୍ଦୁଲ୍ତେ ତନ୍ଦ୍ତଡ଼୍। ଆସୁଙ୍କ୍ ଲନ୍ ମାଲିକ୍ ଅଡ଼୍ ଆଦ୍ ତିନ୍ଦାନ୍ ନୁ ଉନ୍ଦାନ୍ ଅଙ୍ଗୁର୍କାଲ୍ ବନ୍ଦ୍ ମାଡ଼ି ଅଡ଼୍କିଂଙ୍କ୍ ତିନ୍ଦାନଙ୍କ୍ କାଦି ଇତ୍ତଣ୍ଡ୍।
ମେଣ୍ଡେ, ପରମେଶ୍ୱର୍ ଆ ନାଲ୍ୱୁଡ଼୍ ଲେୟ୍ୟଡ଼୍କିଙ୍କ୍ ସାରେ ବିଦ୍ୟା ନୁ ଜ୍ଞାନ୍ତେ, ନାର୍ଗେ ବୁଦ୍ଦି ଇତ୍ତଣ୍ଡ୍ ମେଣ୍ଡେ, ଦାନିୟେଲ୍ ବାକ୍ୟ ମାଡ଼ାନ୍ ଦର୍ଶନ୍ ନୁ ସ୍ୱାପ୍ନେ ବିଷୟତେ ବୁଦ୍ଦିମାନ୍ ଆତ୍ତଣ୍ଡ୍।
ମେଣ୍ଡେ, ରାଜା ଅଡ଼୍କିଂଙ୍କ୍ ଗାରେ ତାତାନ୍ ମାଇଦିଙ୍କ୍ ବେନ୍ ସମୟ୍ ତିଆର୍ ମାଡ଼ିମାତ୍ତଣ୍ଡ୍, ଆଦ୍ ତେରାନ୍ ୱେଲେ, ନପୁଂସକାଦିପତି ଅଡ଼୍କିଂଙ୍କ୍ ନବୂକଦ୍ନିତ୍ସରତେ ମୁନେ ତାତ୍ତଣ୍ଡ୍। ମେଣ୍ଡେ ରାଜାଲ୍ ଅଡ଼୍ ସାଙ୍ଗେ ତିର୍ୟା ତିର୍ୟି ଆତ୍ତଣ୍ଡ୍; ମେଣ୍ଡେ, ଅଡ଼୍ ସାରେତଡ଼୍ ଲୋପେଙ୍କ୍ ଦାନିୟେଲ୍, ହନାନୀୟ, ମୀଶାୟେଲ୍ ନୁ ଅସରୀୟ ସମାନ୍ ବେନ ତନ୍ଦଡ଼୍ ଆତ୍ତଡ଼୍; ଆଦିଙ୍କ୍ ଇଡ଼୍ ରାଜାନ୍ କାମଦାଗ୍ ମାତ୍ତଡ଼୍। ମେଣ୍ଡେ, ଜ୍ଞାନ୍ ନୁ ବୁଦ୍ଦ୍ ରେଣ୍ଡ୍ଆସ ବେନେଆୟି ଗଟ୍ ରାଜାଲ୍ ଅଡ଼୍କିଂଙ୍କ୍ ପାସ୍ରିଞ୍ଜ୍ତଣ୍ଡ୍, ଆଦ୍ ସାରେ ବିଷୟତେ ଅଣ୍ଡ୍ ତାନ୍ ସାରେ ରାଜ୍ୟତେ ବାକ୍ୟ ମାଡ଼ାନଣ୍ଡ ମନ୍ତ୍ରମାଡ଼ାନଡ଼୍ ନୁ ପାଞ୍ଜିଉଡ଼ାନଡ଼୍ ଅପେକ୍ଷା ଅଡ଼୍ ନାର୍ଗେ ଦଶ୍ଗୁଣ ଅଦିକ୍ ଉଡ଼୍ତଣ୍ଡ୍। ମେଣ୍ଡେ, ଦାନିୟେଲ୍ କୋରସ୍ ରାଜାନ୍ ପ୍ରତମ୍ ବର୍ଷ ଯାକ ତାନ୍ ସେବାତେ ମାତ୍ତଣ୍ଡ୍।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.