ପ୍ରେରିତ
Acts
Introduction from this edition
ପ୍ରେରିତ ଶିଷ୍ୟମାନଙ୍କର କାର୍ଯ୍ୟର ବିବରଣୀ
ପ୍ରେରିତ ଶିଷ୍ୟଡ଼ାଦ୍ ପାଡ଼୍ୟିତାଦ୍ ଗଟ୍
ପ୍ରେରିତ ବଇ ବିଷୟ୍ତେ ଅଣ୍ଡୟ୍ ପଦ୍
ପ୍ରେରିତ ବଇ ଆଦୁତ୍ ମଣ୍ଡଲିତ୍ ଆରାମ୍ ନୁ ବେଲା ଇଦ୍ ଯିରୁଶାଲେମ୍ତାଗାଙ୍କ୍, ଯିହୁଦା, ସମରିଆ ନୁ ବାୟ୍ଦେ ବେଲା ପ୍ରଚାର୍ ଆତ୍ତେ ଇଦ୍ ଜିସୁନ୍ ସ୍ୱର୍ଗତାଗ୍ ଆଦାନ୍ ମୁନେନ୍ ତାମ୍ ଶିଷ୍ୟଡ଼୍କିଙ୍କ୍ କେସ୍ମାତ୍ତଡ଼୍ ।
ସମ୍ବାବନା ପ୍ରେରିତ ବଇ ଜିସୁ କ୍ରିଷ୍ଟନ୍ ଜନମ୍ତେ ପେର୍କେ ୬୦ ରୁ ୬୪ କ୍ରିଷ୍ଟାଦ୍ଦ ଲୋପେ ଲେକାଆସ୍ମାତ୍ତେ ବାତେଙ୍କ୍ଇତ୍କେ ପାଉଲନ୍ ବନ୍ଦିମୁକ୍ତ ମୁନେଙ୍କ୍ ବଇ ଲେକାନାଦ୍ ପାଡ଼ିୟି ତେରିମାତ୍ତେ । ଲୁକ ଆନ୍ତେ ପ୍ରେରିତ ପାଉଲନ୍ ତଡ଼୍ ଉଡମାତ୍ତଣ୍ଡ୍ ନୁ ଇଦ୍ ବଇଦିଙ୍କ୍ ଅନ୍ତକିଆ ଲେକିମାନ୍ତଣ୍ଡ୍ ଇଞ୍ଜ କେତାନଙ୍କ୍ ଆଦ୍ତେ । ପ୍ରେରିତ ବଇ ଲୁକ ସୁସମାଚାର୍ତେ ଅନୁବୁତି ଆତ୍ତେ, ଇଦ୍ ଜିସୁନାଦ୍ ସ୍ୱର୍ଗତାକ୍ ଆଦାନାଗାଙ୍କ୍ ଆରାମ୍ ଆତ୍ତେ ଲୁକ ଲେକ୍ତାଦ୍ ସୁସମାଚାର୍ତାଦ୍ ନୁ ପ୍ରେରିତ ବଇତେ ଲେକ୍ତେ ଉଦେଶ୍ୟ ସାମାନ୍ ।
ଅଣ୍ଡ୍ ତିଓଫିଲଙ୍କ୍ ନୁ ପେର୍ସାନ୍ କ୍ରିଷ୍ଟିୟାନ୍ ନାରୁଡ଼୍କିଙ୍କ୍ ନିଜାମ୍ ଆଦାନଙ୍କ୍ ଆଲ୍ସୁତଣ୍ଡ୍ । ଅଡ଼୍କିଂଙ୍କ୍ ଶିକ୍ଷା ଇତ୍ତାଦ୍ ବିଷୟ୍, ଜିସୁ କ୍ରିଷ୍ଟନ୍ ଜୀବନୀ ନୁ ବିସ୍ତାର୍ଲାବ୍ ମାଡ଼ମାନ୍ଦାନ୍ କ୍ରିଷ୍ଟିୟାନ୍ ନାରୁଡ଼୍ ବିଷୟ୍ତେ ବୁଲ୍ଇଲ୍ୱେ ଇସାବ୍ ନେଃହିତଣ୍ଡ୍ । ପ୍ରେରିତ ବଇତାଗ୍ ଆଦ୍ୟ ମଣ୍ଡଲି କ୍ରିଷ୍ଟନାଗ୍ ବିଶ୍ୱାସ୍ ନେଃଏତାନ୍ ମାଇଦିଙ୍କ୍ ମାନ୍ ସେଙ୍ଗେ ଉଦାହରନ୍ ଇଦ୍ତେ । ପ୍ରେରିତତଡ଼୍ ଉଦାହରଣ୍ତାଗାଙ୍କ୍ ମାନାଡ଼୍ ପୁନ୍ଦାନଙ୍କ୍ ଆଦ୍ତେ ଯେ, ବେଲା ପବିତ୍ର ଆତ୍ମାଙ୍କ୍ ନିର୍ଭର୍ ମାଡ଼ି ୱେରେ ନାରୁଡ଼ାଗ୍ ସୁସମାଚାର୍ କାବୁର୍ ପ୍ରଚାର୍ ମାଡ଼ିତଡ଼୍ ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
୧. ପବିତ୍ର ଆତ୍ମା ଡିଗାନାଦ୍ ନୁ ମଣ୍ଡଲି ପେର୍ସାନାଦ୍ ।
୨. ମଣ୍ଡଲି ତାଡ଼ନା ନୁ ସୁସମାଚାର୍ ବିସ୍ତାର୍ ।
୩. ପାଉଲନ୍ ମୁନେତ୍ ମିଶନାରୀ ଯାତ୍ରା ।
୪. ପୁଃନେ ବଶ୍ୱାସୀଡ଼୍ ଦର୍କାଡ଼୍ ନୁ ଜିରୁଶାଲମ୍ତାଗ୍ ମିଟିଙ୍ଗ୍ ।
୫. ପାଉଲ୍ତେ ରେଣ୍ଡ୍ଦାମ୍ତାଦ୍ ମିଶ୍ନାରୀ ଯାତ୍ରା ।
୬. ପାଉଲ୍ତେ ମୁଣ୍ଡ୍ଦାମ୍ତେ ମିଶ୍ନାରୀ ଯାତ୍ରା ।
୭. ପାଉଲ୍ ଜିରୁଶାଲମ୍ତାଗ୍ ବନ୍ଦି ଆଦାନାଦ୍ ।
୮. ପାଉଲନ୍ ରୋମ୍ତାଗ୍ ଆଦାନାଦ୍ ।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.