BIBLE MUTAL
Psalm 70
[Psalm lal David, Soko On in Asor]
Sie Pre In Suk Kasru
(Psalm 40:13–17)
Moliyula, O God!
LEUM GOD, kasreyu inge!
Lela tuh elos su srike in uniyuwi
In fohsak ac kutangyukla.
Lela tuh elos su pwarkin keok luk
In folokinyukla ac aklusrongtenyeyuk.
Lela tuh elos su isrunyu,
In mwekinla ke kutangyukla elos.
Lela tuh elos nukewa su suk kom,
Elos in engan ac insewowo.
Lela elos nukewa su sang kulo ke molela lom
In fahk pacl e nukewa, “God El fulatlana!”
Nga munas ac sukasrup;
Aksaye nu yuruk, O God!
Kom kasreyu ac moliyula.
O LEUM GOD, aksaye in kasreyu!
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.