Psalm 61

[Psalm lal David]

Sie Pre Ke Molela

1Lohng tung luk, O God;

Porongo pre luk!

2Nga pang nu sum

Ke nga muta loesla liki acn sik ac nga fuhleak finsrak luk.

Usyu nu ke sie acn in molela,

3Tuh kom nien wikla luk,

Ac mwet kasru ku luk in lain mwet lokoalok luk.

4Lela nga in muta in lohm mutal sum in moul luk nufon;

Lela nga in konauk nien molela luk ye lulin poum.

5Tuh kom lohng wulela luk, O God,

Ac kom ase nu sik mwe usru lun mwet su sunakin kom.

6Akloesye moul lun tokosra;

Lela tuh elan moul paht!

7Lela tuh elan leum ma pahtpat ye motom, O God;

Karinganul ke lungse kawil ac oaru lom.

8Ke ma inge nga fah on ac kaksakin kom pacl e nukewa,

Oana ke nga oru mwe kisa luk nu sum len nukewa, fal nu ke wulela luk.