BIBLE MUTAL
Psalm 24
[Psalm lal David]
Sie Tokosra Fulat
Faclu ac koano ma lun LEUM GOD;
Faclu ac elos nukewa su muta fac ma pac lun LEUM GOD. 1
El tulokinya fin kof lulap ye faclu,
Ac oakiya ke acn loal meoa.
Su ac fah ku in fanyak nu fineol sin LEUM GOD? 2
Ac su ac ku in utyak nu in acn mutal sel?
El su nasnas pao ac mutal insia;
El tia alu nu ke ma sruloala
Ku orek wulela kikiap.3
LEUM GOD, su langoella,
El ac fah akinsewowoyal ac fahkak lah wangin mwatal.
Mwet ouinge pa elos su sokol,
Su suk in tuku nu ye mutun God lal Jacob.
Keyak sifowos, O kowos mutunpot;
Ac srukak na nu lucng, kowos mutunpot omeet me,
Tuh Tokosra lun wolana Elan utyak.
Su Tokosra lun wolana?
LEUM GOD su ku ac kulana,
LEUM GOD su kutangla ke mweun.
Keyak sifowos, O kowos mutunpot;
Ac srukak na nu lucng, kowos mutunpot omeet me,
Tuh Tokosra lun wolana Elan utyak.
Su Tokosra lun wolana?
LEUM GOD lun un mwe mweun — El pa Tokosra lun wolana!
Source notes (3)
- Cross-reference 1 Cor 10:26
- Footnote fineol sin LEUM GOD: eol soko in acn Jerusalem, yen Tempul musa we.
- Cross-reference Mt 5:8
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.