Psalm 137

Eoksra Lun Mwet Israel Su Muta In Sruoh

1Ke kut muta sisken infacl Babylon,

Kut tung we ke kut esamak Zion.

2Kut srupusrak harp natusr

Ulun sak willow su tu siskasr.

3Elos su sruokkuti elos sap kut in on;

Elos sap kut in akpwaryalos,

Ac fahk, “Yuk soko on ke acn Zion kut in lohng.”

4Kut ac on fuka soko on nu sin LEUM GOD

In sie facl sac?

5Lela tuh nga in tia sifil ku in srital ke harp

Nga fin mulkinkomla, Jerusalem!

6Lela nga in tia sifil ku in on

Nga fin tia esam kom,

Nga fin tia nunku mu kom pa mwe insewowo yohk emeet luk uh!

7O LEUM GOD, esam ma mwet Edom elos tuh oru

Ke len se sruhu acn Jerusalem.

Esam lah elos tuh fahk,

“Sukella! Sukella nwe ke musalsalu fin fohk uh!”

8Babylon, kom ac fah kunausyukla.

Insewowo elos su fah folokin nu sum

Ma kom tuh oru nu sesr — 1

9Su ac fah eisla tulik fusr nutuwos

Ac sakunulos fin eot uh.