BIBLE MUTAL
Psalm 133
[Psalm lal David]
Kaksakin Lungse Lun Mwet Lili
Fuka woiya ac fuka insewowoiya
Ke mwet lun God elos tukeni muta ac inse sefanna.
Ma inge oana woiyen oil in akmusra saok
Ma sorori ke sifal Aaron nu ke alut lal,
Nwe ke sun kala in nuknuk in mwet tol lal.1
Ma inge oana aunfong Fineol Hermon,
Ma putati nu fineol srisrik in acn Zion.
Pa ingan acn se ma LEUM GOD El oru wulela in akinsewowo lal —
Aok ke moul su wangin saflaiya.
Source notes (1)
- Footnote akmusra saok ... nuknuk in mwet tol: ouiya sie inge wo sin mwet Jew in liye ke pacl in akmusraiyuk mwet tol uh.
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.