BIBLE MUTAL
Psalm 130
Sie Pre In Suk Kasru
Liki acn loal in moul in keok luk, nga pang nu sum, LEUM GOD.
Lohng tung luk, LEUM GOD;
Porongo pusren mwe siyuk luk tuh kom in kasreyu!
Kom fin oakla ma koluk lasr in ma simusla lom,
Su ac ku in kaingkunla nununku nu sel?
A kom nunak munas nu sesr,
Ouinge fal tuh kut in arulana akfulatye kom.
Nga tupan kasru sin LEUM GOD ke insiuk nufon,
Ac lulalfongi luk oan in kas lal.
Nga soano LEUM GOD
Yohk liki na mwet san su kena in lenelik,
Aok, yohk liki na mwet san su ke in tari lenelik.
Israel, kowos in lulalfongi LEUM GOD,
Mweyen lungse lal kawil,
Ac pacl nukewa El engan in molela.
El ac fah molela Israel, mwet lal,
Liki ma koluk lalos nukewa.1
Source notes (1)
- Cross-reference Mt 1:21; Tit 2:14
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.