BIBLE MUTAL
Psalm 1
BOOK SE MEET
(Psalm 1—41)
Inkanek Luo
Insewowo mwet se su
Tia fufahsryesr in pwapa lun mwet koluk,
Ku ukwe inkanek lun mwet sutuu,
Ku muta inmasrlon mwet su aksruksrukye God.
A el engankin ma sap lun LEUM GOD,
Ac el nunku kac ke len ac fong.
El ac fah oana soko sak yoki sisken infacl,
Su isus fahko la in pacl la,
Ac sra kac tiana paola,
Ac ma nukewa el oru fah kapkapak.1
Mwet koluk elos tia ouinge,
A elos oana kulun wheat ma eng uh okla.
Ke ma inge mwet koluk elos ac fah tia tu in nununku2
Ku mwet sutuu in walil lun mwet suwoswos.
Tuh LEUM GOD El etu inkanek3 lun mwet suwoswos,
A inkanek lun mwet koluk fah wanginla.
Source notes (3)
- Cross-reference Jer 17:8
- Footnote tia tu in nununku: kalmac pa “mwet koluk ac fah lisyukla ke pacl in nununku”.
- Footnote inkanek: ouiyen moul.
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.