కొత్త కరార్
1 తిమోతి 4:12
Verse 12 is marked below, with the whole chapter around it. Read from the start
లబడ్ ఇడ్డెకాద్
పరిసుద్దత్మ పురాయ్ తనె ఇడ్సనండాంద్, ఆక్రి దినాలెంఙ్ ఇంతె కొన్సెం మంది అపవిత్ర ఆత్మలున్ దెయ్యాలె గొట్టినాడ్ ఇడ్డుత్ ఇస్వదున్ సయ్సార్. ఇవ్రు కరబ్ కలెకారున్ పైలి ఇడ్సార్. ఔరుంఙ్ ఇడ్ మన్ సాక్సం ఇడ్సార్. నీర్ పెండ్లిక్లున్ ఇదరెకా తప్పు ఇసా, సత్తెం ఒర్కిలుత్ విస్వాసులు దన్యావద్ ఇడ్సార్. గని దెయ్యం తయార్ కత్ తా తినెకా కొన్నిగున్ తినెంఙ్ తోద్ ఇసా ఇవ్రు ఇసార్. దెయ్యం ఇదార్తద్ ప్రతి ఒక్కొద్ సోయ్తది. దన్యావద్ సియ్ తాద్ ఎద్ది సూయ్ తోద్. తానుంఙ్ ఇంతె దెయ్యమ్నె గొట్టి పార్తన అదున్ పవిత్ర కల్సాద్.
యేసు క్రీస్తునె సోయ్త
ఈ గొట్టికున్ దాదకేర్ నిర్నాయ్ కలెకదున్ వాలడ్ నీ ఇంత్ విస్వాస్త గొట్టికున్ సోయ్త గొట్టిక్ ఇడ్స క్రీస్తు యేసున్ సోయ్త గడియక్ నీ అందాతి. అపవిత్రనాడ్ అనెక ముర్త ముడెక సయ్స, దెయ్యమ్నె బక్తిన్ గొట్టిక్లత్తి ఇన్నెత్ నివి అది కాల్. మేన్ అది కొన్సెం ఇదరుత్ అండా. గని ఆద్ దెయ్యమ్నె బక్తిత్ పన్హిత పానం త్ వరెక పానం లెంఙ్ పాజె ఇనెక వాగ్దాన్ అండాపుడ్ సిమ్కన గొట్టిక్లెంఙ్ అద్ వడెకాద్ ఎరాద్.
ఈ గొట్టి కరె తాద్ అండాద్ పురాయ్ అంగికరించ్సతేర్ నమ్ముర్. మందింఙ్ సిమ్కన మల్ల గొట్టిలంఙ్ విస్వాసులుంఙ్ రక్సన ఎద్ద పాన దెయ్యం పొయ్ నేండ్‍ బరోస ఇట్టం. అదుఙి సరాద్ వాత్ సఙ సెర్సా నండాతుమ్ పడ్సనండాతుమ్. ఈ గొట్టిక్ ఔరున్ సంజిప్ సా కరాప్. ఇదున్ వాలడ్ ఎరి ఇన్ పిసేవిసె ఎర్ గన్నేమ్. గొట్టిక్, ఇడ్డెకత్తి, ప్రేమ్ మత్ విస్వాసముత్, పవిత్రనాడ్, విస్వాసులుంఙ్ ఇన్నత్ తన కరప్ తెతి అన్. అన్ వాన్ నంతెత్ వయ్తవున్ ఇమతడ్ వసిపెంఙ్. అర్పులిపెకత్తి, ఇడ్డెకత్తి సోయ్ ఇడ్డు.
దొడా ఇన్ పొయ్ కెయ్యులిట్టపుడ్ ప్రవచనాన్ వాలడ్ ఇన్నె ఆత్మలె వరములున్ కోసీద్ కాల్సె అన్నెమ్. ఇన్నె సుద్రిలెకాద్ సిమ్కన మందిన్ కండ్కెన్నెతి ఇదవున్ పొయ్ మాన్ ఇడుత్, ఇదవున్ అది కాల్. ఇన్ బదోల్ ఇడ్డెకాద్ బదోల్ సోయ్ ఇడ్డు. ఇదలత్తి అన్. నీ ఇనంఙ్ ఇదార్తపుడ్ ఇన్నెత్ నివి బత్కిపెకాద్ గని ఇన్నె ఇడ్డెకాద్ ఔరున్ గిన బాత్కిప్సాతి.
కొత్త కరార్. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.