Koda Translation
1 করিন্থীয় 8
হাসা ঠাকুর রাঃআ প্রসাদ বাব্ত্তে জাগার।
অটঃহঅগে হাসা ঠাকুর রাঃআ সামাংরে উতসৃষ্ট বলি বাব্ত্তে, আবু সারিয়াবু যে, আবুয়ায়্য় যত হড় রাঃআ আকেল মেনা আ। আকেলদ গরব উদুঃ এয়ায়, মেন্খান দুলাড় মিহুড় অটঅ মিহুড়কে পাতিয়ারে খন্জা রাকাপ ইয়ায়্য়।
যদি যাহায় মনে তাৎ আয়, ইনিদ জাহানা আ সারিয়ায়্য়, এন্খান চিল্কা সারি হ্যুয়আ, এঙ্কা নাহা হঅ আউরি সারি নামেয়ায়;
মেন্খান যদি যাহায় ঈশ্বর কে দুলাড়ি য়্য়আয়, এনখান হানিকে দঅ ঈশ্বর সারি আয়ায়্য়,
বেশ, বানা ঠাকুর রাঃআ সামাংরে উতসৃষ্ট বলি জম বাব্ত্তে আবু সারিয়াবু, বানা ঠাকুর ধার্তি রিঙ্কূ জাহিনিচ ল্হয়, হেৎদ ঈশ্বর মিয়াৎ গেয়ায়্য়, মিয়াৎ বিনা বারিয়া বানু ইয়া।1
মেন্খান কথক হড় নেকাগে পাতিয়া কু যে স্বর্গ রে হেৎদ ধার্তি রে গাদা দেব্তা হেৎদ প্রভু কুকে মানাতানা কুয়াকু হেৎদ সেবা দেবা হঅ তানাকুয়াকু,
এন্খান র হঅ আবুয়া আ আকেলতে দ মিয়াৎ গে ইনিদ বাবা ঈশ্বর, অকয় রাঃআ হ্তেত তে জ্ত্যা আ গে সির্জনা কানা, হেৎদ আবু অকয় লিয়াগে বাঁঞ্চাবু; হেৎদ মিয়াৎ মাত্র প্রভু ইনি যীশু খ্রীস্ট, অকয় হ্তেত তে জ্ত্যায় আগে সির্জনা কানা, হেৎদ আবু অকয় নাতিনাংগে জিউ নাম তাৎআবু।
এন্খান দ চি যত হড় রাঃআ তালারে নিয়া আকেলদ বায়ায় না; মেন্খান কতক হড় নাহা হঅ হাসা ঠাকুর কু রাঃআ সতেরে তাহিকাতেৎ ঠাকুর রাঃআ হান্ডে উতসৃষ্ট বলি সারিকাতেগে ভোগ কু জ্মেয়া; হেৎদ আকুয়ায়্য় বিবেক নিজুরি গেয়া মেন্তে কুলষিত য়াকু।
মেন্খান জমা কুদ আবুকে ঈশ্বর রাঃআ হান্ডে গ্রাহ্য কায় তকা বুয়ায়; কাঃআ জম লেন্খান আবুয়ায়্য় জাহানা কাঃআ ক্ষতিয়া, জম লেখান হঅ আবুয়ায়্য় জাহানা কাঃআ লাভয়া।
মেন্খান হুঁশিয়ার, আপেয়ায়্য় নিয়া ক্ষমতা জাহালেকাতে পাতিয়ারে নিজুরি কু রাঃআ ব্যাঘাত রাআ কারণ আল হ্যুয়্কা আ।
কারন, আম লেকান আকেলবান হড়, আমকে যদি যাহায় দেব্কুঠিরে জম নাতিনাং দুপ কু নেলমেয়া, এন্খান ইনি নিজুরি হড় তানায় মেন্তে আয়া আ বিবেক দ চি ঠাকুর রাঃআ হান্ডে উতসৃষ্ট বলি জম নাতিনাং চি সাহস কায় নামেয়া?
তবেখানঃঅ আমাঃ আ আকেলতে ইনি হাগা অকয় খাতিরাং খ্রীস্ট গচা কানায়, ইনি পাতিয়ারে নিজুরি হাগা আত্মিক লেকাতেদ নাশয়ায়্য়।
নিয়ালেকাতেগে পাতিয়ানিচ হাগা কু হেৎদ মিশি কুরাঃআ বিরুদ্ রে কাই লেখান পে, হেৎদ ইঙ্কূয়া নিজুরি বিবেকরে আঘাত লেখানপে, আপে খ্রীস্ট রাঃআ বিরূদ রে কাই য়াপে।
এন্তে জমা আ নুয়ইয়আ যদি ইঞা ব্কঞ হেৎদ মিশিঞ রাঃআ বিগ্ন তেয়ারেয়ায়্য়, তবেখান ইঞ জাহাহুলাং জিলু কাঞ জ্মেয়ায়্য়, পাছেন ইঞা ব্কঞ হেৎদ মিশিঞ রাঃআ বিগ্ন হ্যুয়ায়্য়।
Source notes (1)
- Cross-reference দশার বিবরণী 4:39
Koda Translation. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.