মার্ক 16

যীশু রাঃআ বিরিৎ রুয়াড়, মথি 28:1 -8, লুক 24:1-12; জন 20:1 -10

1ঝিরাঃআ মহা চাবান খান ম্গ্দালিনি মরিয়ম, যাকোব রাঃআ মাই মরিয়ম হেৎদ সাল্মি বুগি শয়ান সুনুম কিরিং কেৎআয়, সেন্কাতে অজঅ দাড়িয়া কাঃআই মেন্তে।

2হাপ্তা রাঃআ মাড়াং মাহা হাঙকু গাদা ভোরতে, বেলা রাঃআকাপ লেন খান, গাঢা রাঃআ কাতা তেকু হিচেনা।

3হাঙকু আকু আকু কু থুতি জাগার কেনা, গাঢা দুয়ার হাতেৎ অকয় আবুকে গাঢা দুয়ার রাঃআ ধিরি সরাঃআ বুয়ায়্য়?

4ইন্তং ইঙ্কূ কয়অ নাম কেৎ য়াকু, ধিরিটা সরাঃআকানা; চিয়া চি ইনাদ গাদা মারাঃআং ধিরি তাহিলেনা।

5চিন্তং ইঙ্কূ গাঢা রাঃআ ভীতির রে সেন কাতেকু নেল কেৎআ, ম্যাডি তিহি দর পুন্ডি কিচিই তুসিং কাতেৎ মিয়ুড় কড়া হন দুপা কানায়; এন্ খান্গে হাঙকু কুঠিন চমকা এনাকু।

6সরগ নাগা ইঙ্কূ কে গামাৎ কুয়ায়্য় , আলপে চমকা আ, আপে নাসারিথিয় যীশু কেপে পাঞ্জা ইতানা, অকয়দ ক্রূশ রে গচ লেনায়; ইনিদ বিরিৎআ কানায়, নেডেদ বানুইয়া; নেলেপে, হেঁএ নেডে ইনি রাঃআ হড়ম দহ হুই লেনায়;

7মেন্খান আপে সেন্পে ডু, আয়া আ চেলা কু কে হেৎদ পিতর কে গামাকূপে, ইনিদ আপেয়া মাড়াং মাড়াংতে গালিলিতে সেন তানায়; চিল্কা আপেকে গামালাৎ পেয়া, হান্ডে আপে ইনিকে পে নেল নামিয়া।

8ইন্তং ইঙ্কূ গাঢা হাতেৎ উডুং কাতে নিরে নাকু, চিয়া চি হাঁঙ্কূ বরতে থার থারাঃআ হেৎদ হাহাড়া লেনাকু; হেৎদ হাঙকু যাহায় কে জাহানা আ কাকু গামা লাত কুয়া; চিয়া চি ইঙ্কূ দ বর লেনা কু।

মাগ্দালিনিরাঃআনিচ মরিয়াম কে দেখা এমাইয়া। মথি 28:9 -10; জন 20:11-18

9হাপ্তা রাঃআ মাড়াং হুলাং যীশু ভোরতে বিরিৎ লেন খানদ যত হাতে মাড়াং তে ম্গ্দালিনি মরিয়ম কে দেখা এমা লিয়ায়্য়, অকয় রাঃআ হান্ডে হাতে সাতটা বঙ্গা ছাডা লিয়ায়্য়।

10ইনি সেন কাতে, অক্য়য়্ চেলা কু যীশু লঅ কু তাহীন কেনা হান্কুকে খবর রে এমাৎ কুয়ায়্য় , ইন্তং ইঙ্কূ শোক হেৎদ কু ইয়াম কেনা।

11চিন্তং আয়ুম কেৎআকু যে, ইনিদ জিউৎ গেয়ায়্য়, হেৎদ হানিকে ভেট এমাতিয়ায়্য়, ইন্তং কাকু পাতিয়া লেনা।

বারিয়া চেলা লঅ যীশু রাঃআ নাপাম, লুক 24:13 -35

12ইনা তায়্ম বারিয়া চেলা হাতু তেকিন সেন কেনা, ইন্তং ইনি অটঅ এটাঃ আকার তে ইঙ্কূ আ হান্ডে স্দরেনায়।

13ইঙ্কূ সেন্কাতে এটা যত হড়কু কে নিয়া সারি তুকা কেৎ কুয়ায়্য় , মেন্খান ইঙ্কূ য়া জাগার্তে হাঙকু কাকু পাতিয়ালেনা।

চেলা কুকে বহাল কেৎআ মথি 28:16-20; লক 24:36 -49; জন 20:19-23, প্রেরিত 1:6-8

14ইনা তায়্ম ইঙ্কূ ১১ চেলা যজম কু দুপ লেন খান যীশু ইঙ্কূ য়া হান্ডে স্দরেনায়, হেৎদ ইঙ্কূ য়া কা পাতিয়া হেৎদ মনে রাঃআ কঠিনতা খাতির ইঙ্কূ কে এগের কেৎ কুয়ায়্য় ; চিয়া চি ইনি বিরিৎ রুয়ারেন খান অকয় কু ইনি কে নেল লিয়া কু, ইঙ্কূ য়া জাগার তে কাকু পাতিয়া কানা।

15হেৎদ যীশু ইঙ্কূ কে গামাৎ কুয়ায়্য় , আপে গটা দিসুম তে সেন পে দু, গটা ধার্তি মান্মি কু রাঃআ হান্ডে বুগিন খবর পাস্নায়্পে।

16অক্য়য় কু পাতিয়ায়্য় হেৎদ ডুবান নআকু, ইনি দ পরিত্রাঃআন নামেয়ায়; মেন্খান অকয় আয়ুম কাতে রহঅ কায় পাতিয়া আয় হানি বেসলেকা কুড়াই নামেয়া।

17হেৎদ অকয় কু পাতিয়ায়্য়, নিয়া হাহাড়া চিন্হা আকু কু করাঃআ দাড়িয়া; ইঙ্কূ ইঞাঃআ নুতুমতে বঙ্গা কু কুদাকুয়া, ইঙ্কূ নামা নামা ভাষা তে থুতিয়াকু,

18ইঙ্কূ দ বিইঞ কেকু স্যাপ কুয়া হেৎদ জিউ নাসা জাহানাআ কু নুই রেহঅ ইঞ কুয়া জাহালেকা কাতে জাহানাআ ক্ষতি কা হয়ুয়া; ইঞ কুদ রুয়া হাসু কুরাঃআ হড়ম চেতান রে তিহি কু এম লেখান বেস্যআকু।

যীশু সরগতে রাঃআকাপ এনায়, লুক 24:50-53; প্রেরিত 1:9-11

19যীশু চেলা কু লঅ জাগার তায়্ম প্রভু যীশু চেতান দর, সরগ তে সেএ নায়্য, হেৎদ ঈশ্বর রাঃআ ম্যাডি তিহি দর রে দুপে নায়।1

20হেৎদ চেলা কু উডুংকাতে যত জায়গারে পাস্নাকু লাগায় না; হেৎদ প্রভু লঅ হাহাড়া কামী পুরাঃআ রাঃআ চিন্হ লঅ ইনা বচন প্রমান কেৎআয়্য় আমেন। আমেন।